Krushna Gita

Author(s): Manoharkirtisagarsuri
Publisher: Buddhisagarsuri Jain Samadhi Mandir

Page 327

લોકો - જેઓ તરવા માગે છે, ભવ પાર કરવા માગે છે, ભવરણમાંથી મુક્ત થવા માગે છે, સદ્ગતિ પામવા માગે છે, ને મોક્ષ હાંસલ કરવા માગે છે. તેઓ મહાવીર પ્રભુના નામની નૌકામાં બેસી જશે. નામ રટણ કરશે. પ્રભુના નામનો જાપ કરશે. ને સદ્ગતિને પામશે.
ઘોર કલિકાલમાં શ્રી મહાવીર પ્રભુ સ્વજ્ઞાનના બોધથી સર્વવિશ્વના તારક થશે.
અન્યથા તરી નહિ શકાય. પ્રભુ જ તારશે. એ તારક બનશે. તારણહાર બનશે. ज्ञानक्रियायुता जैनाः, सर्वविश्वस्य तारकाः । भविष्यन्ति महावीरजापेन पञ्चमारके ॥३१७ ॥ પાંચમો આરો એટલે તેમાં આવશે કલિકાલ.
આ પંચમ આરામાં જ્ઞાન અને ક્રિયાવાળા જૈનો જાપનું મહત્ત્વ સમજશે.
પ્રભુ મહાવીરના નામનો પ્રભાવ. નામનું રટણ. નામનો જાપ. સતત ઉચ્ચારણ.
કારણ કે પંચમ આરામાં તરી જવાનો અન્ય કોઈ આરો કે ઓવારો નહિ હોય. સર્વત્ર સ્વાર્થનું અંધત્વ પ્રસર્યું હશે. કલિયુગના પ્રભાવની ઘોર કાલિમા સર્વત્ર ફેલાઈ ગઈ હશે.
એટલે તારક બનશે શ્રી મહાવીર પ્રભુ. મહાવીરપ્રભુનું નામ. નામની રટણા. નામનો જાપ. જૈનોનો તારક બનશે. જ્ઞાનવાળા જૈનો. ક્રિયાવાળા જૈનો.
મહાવીરપ્રભુના નામના જાપથી જ્ઞાન અને ક્રિયાવાળા જેનો સર્વ વિશ્વના તારક બનશે.
વિશ્વને તારશે. વિશ્વના રાહબર બનશે. વિશ્વના માર્ગદર્શક બનશે. એમની પાસે જ્ઞાન હશે. એમની પાસે ક્રિયા હશે. ને મહાવીર પરમાત્માના નામની રટણા હશે. પ્રભુના નામના જાપથી આ જૈનો સકળ વિશ્વના તારક થશે.
૩૦૬