Krushna Gita

Author(s): Manoharkirtisagarsuri
Publisher: Buddhisagarsuri Jain Samadhi Mandir

Page 325

બસ, અહીં તો છે કેવળ એકત્વ. કેવળ સમાનતા. કેવળ સમરસતા. વર્ણના ત્રાજવે માનવી તોળાતો નથી.
ધનના ત્રાજવે માનવી તોળાતો નથી.
જૈનધર્મ તો અભેદને આમંત્રે છે. સમાનતાને સ્વીકારે છે. ભેદભાવ વગર - એ સૌને સમાવે છે. સૌને આવકારે છે. આવે છે, તે પામે છે.
માનવીનું કર્મ જોવાય - વર્ણ નહિ.
મન જોવાય - ધન નહિ. જ્ઞાન જોવાય - તન નહિ.
કલિકાલ અનુસારે વર્ણ અને અવર્ણ સ્થિત તમામ મનુષ્યો, કોઈપણ
જાતના ભેદભાવ વિના મહાવીર પ્રભુના નામનું રટણ લગાવશે. જાપ કરશે. હૃદયના ઊંડાણથી નામનો ઉચ્ચાર કરશે.
જાપમાં માત્ર વાણી નહિ દિલ પણ પરોવશે.
પ્રભુ સાથે એકતારે બંધાશે.
સહુ કામના કરે છે સદ્ગતિની.
સહુ ઈચ્છે છે મુક્તિને. ભવની મુક્તિને.
સંસાર ખારો દવ લાગે છે. ભવ ચકડોળથી ત્રાસી ગયો છે એ. મુક્ત થવા માગે છે. છુટવા માગે છે. સ્વતંત્ર થવા માગે છે. શી રીતે મુક્ત થવાય ? શી રીતે મોક્ષને પમાય ? શી રીતે ભવરોગનું શમન થાય ?
ઘોર કલિકાલમાં મનુષ્યો, કોઈપણ વર્ણનાં મનુષ્યો. પ્રભુ મહાવીરના નામનો જાપ કરશે. રટણા લગાવશે. પ્રભુને હૃદયસ્થ કરશે.
ને મુક્તિને પામશે. સદ્ગતિને પામશે. મોક્ષને પામશે. કલિયુગ ભલે એનો પ્રભાવ દેખાડશે, પણ સામે મહાવીર
પરમાત્માના નામનો જાપ તેને ભવરણમાંથી મુક્તિ અપાવશે. ભવરણથી છોડાવશે.
સદ્ગતિ પમાડશે. મોક્ષનો અધિકાર આપશે.
૩૦૪