________________
સાધુનું રક્ષણ કરવું એ દરેક ગૃહસ્થ જૈનીનું કર્તવ્ય છે. સાધુ સંસ્કૃતિનું ગૌરવ વધારે છે. આપણા ભૂતકાળના ભવ્ય વારસાને સાચવે છે. નીતિ વગેરે ગુણોના વિકાસમાં સાધુનું યોગદાન મહત્ત્વના સ્થાને છે.
સાધુનું રક્ષણ કરો. સાધુત્વનું રક્ષણ કરો. ધર્મનું રક્ષણ કરો. સંઘનું રક્ષણ કરો. શ્રી સંઘનું રક્ષણ કરવું, એ દરેક શ્રાવકની ફરજ છે. સંઘ થકી જ ધર્મ રક્ષાય છે.
આમ જૈનધર્મમાં શક્તિમાને નિર્બળનું રક્ષણ કરવું આવશ્યક છે એટલું જ નહિ, પણ સ્ત્રી, બાળક, સાધુ અને સંઘનું રક્ષણ પણ સ્વશક્તિ વડે કરવું જોઈએ.
શક્તિ નિર્બળના રક્ષણ માટે છે. ધન ગરીબની મદદ માટે છે. चतुर्विधस्य संघस्य, तथा धर्माधिकारिणाम् । ऋषिणां हेलना नैव, कर्तव्या धर्मसाधकैः ॥२९८ ॥
ધર્મસાધકોના કર્તવ્યની વાત અહીં સુંદર રીતે રજુ કરવામાં આવી છે. ધર્મ સાધકે હંમેશા પોતાના કર્તવ્ય પાલન માટે તૈયાર રહેવું જોઈએ.
ધર્મ સાધકે ચતુર્વિધ સંઘની કદી હેલના ન કરવી. ધર્માધિકારીઓની કદી હેલના ન કરવી. તથા ઋષિઓની હેલના કદી ન કરવી. ધર્મ સાધના કરનારે ખૂબ સાવધ બનીને વર્તવું જોઈએ. પોતાના કર્તવ્યનું સદા પાલન કરવું જોઈએ. ધર્મના આધાર સ્તંભો છે શ્રી સંઘ, ધર્માધિકારીઓ અને ઋષિઓ. એમની હેલના ધર્મ સાધકે કદી પણ ન કરવી. સ્વપ્નમાં પણ નહિ.
૨૮૮
