________________
यथोचितं सुपात्रेभ्यो, दानं देयं स्वशक्तितः । वस्त्रानज्ञानदानेन, स्वर्गो मुक्तिश्च जायते ।। ३०३ ।। જીવનમાં દાનનું મહત્ત્વ વિશેષ છે. મનુષ્ય દાન માટે સદા તત્પર રહેવું જોઈએ.
અન્યને - જરૂરિયાતવાળાને આપવામાં જે આનંદની અનુભૂતિ થાય છે, તે અનન્ય છે.
હોય તો આપો. થોડામાંથી થોડું આપો. આપીને પામો. આપીને રાજી થાવ. આપવાનો આનંદ અનેરો છે. त्यक्तेन भुंजीथा। આપીને પામો. છોડીને મેળવો. ત્યાગીને ભોગવો. તેથી જ દાનને શ્રેષ્ઠ કહ્યું છે. હાથ દાન આપવા સર્જાયા છે. સ્વ શક્તિ વડે દાન કરવું જોઈએ. યથોચિત દાન કરવું જોઈએ અને યોગ્ય પાત્રને દાન કરવું જોઈએ. દાનના અનેક પ્રકાર છે. વસ્ત્ર દાન. વસ્ત્ર વિનાનાને વસ્ત્રદાન આપવું જોઈએ. ભૂખ્યાને અન્નદાન આપવું જોઈએ. અન્ન વિના ટળવળતા અનેક જીવો છે એમના પેટમાં ભૂખ છે, પણ ખાવા માટે અન્ન નથી. સુધા સંતોષવા ભોજન નથી. પોતે ભૂખે મરે છે. બાળકો ભૂખે મરે છે. પરિવાર ભૂખે મરે છે. યોગ્ય પાત્ર હોય - સુપાત્ર હોય તો તેને અન્નનું દાન કરો. અન્નદાન શ્રેષ્ઠ છે પણ જો સુપાત્રને અપાય તો. આપેલા દાનનો દુરૂપયોગ કરનારને અન્ન ન અપાય. આપેલું અન્ન વેચીને વ્યસન કરનારને દાન ન અપાય. સુપાત્રને દાન અપાય. ભૂખ્યાને ભોજન ઉત્તમ દાન છે - જો ભોજન એના પેટમાં જ જતું હોય તો. અને એવું જ દાન છે જ્ઞાનદાન.
૨૯૫
