________________
બધાં જ તત્ત્વજ્ઞાનો એનામાં સમાય છે. બધાં જ દર્શન એનામાં સમાય છે.
સૌને સમાવી લે એટલો જૈનધર્મ વિશાળ છે. ગહન છે. વિસ્તારયુક્ત છે. શ્રેષ્ઠ સદ્ધર્મ છે.
તો પછી શા માટે ડાળાં પાંખડાને સાધવા?
જૈનધર્મ જ્યારે સર્વ ધર્મમય હોય ત્યારે એને જ સાધિત શા માટે ન કરવો? તો એમ જ કરો.
परस्परप्रभिन्नानां, धर्माणां धर्मिणां तथा । द्वेषश्च खण्डनं नैव, कर्तव्यं सर्वधर्मिभिः ॥२९५ ॥ આ વિશાળ વિશ્વમાં અનેક ધર્મો છે. સંખ્યાતીત ધર્મોનું પાલન આ જગતના લોકો કરે છે. તાત્ત્વિક રીતે જુઓ તો તમામ ધર્મોમાં આંશિક સમાનતા છે. તેઓમાં રહેલા સારરૂપ ગુણો સમાન છે. છતાં ક્યારેક એવું બને છે કે ધર્મ ધર્મ વચ્ચે ઘર્ષણ થાય છે. એક ધર્મના લોકો બીજા ધર્મનો દ્વેષ કરે છે. એક ધર્મના માણસો બીજા ધર્મનું ખંડન કરે છે. અમે સાચા ને તેઓ ખોટા. એવો વાદવિવાદ ચાલે છે. તણખા ઝરે છે. તેષ વધે છે. વેરનું વાવેતર થાય છે. યુદ્ધો થાય છે. પણ આવું શા માટે? ધર્મ ધર્મ વચ્ચે દ્વેષ શા માટે? શા માટે એક ધર્મ બીજા ધર્મનું ખંડન કરે?
સારરૂપ ગુણો એકસમાન છે. તો પછી પરસ્પર ઘર્ષણ ન થવું જોઈએ!
પરસ્પર ટકરાવ ન થવો જોઈએ!
સર્વ ધર્મીઓએ પરસ્પર ધર્મોનો અને ધર્મીઓનો દ્વેષ ન કરવો જોઈએ. અને ધર્મનું ખંડન ન કરવું જોઈએ.
૨૮૫
