________________
मुक्त्यर्थं मोहनाशार्थं, चाऽऽत्मनः शुद्धिहेतवे । भूता ये च भविष्यन्ति, जैनधर्माङ्गरूपिणः ॥ २९२ ॥ જૈનધર્મ શ્રેષ્ઠ ધર્મ છે. સત્યત્વ રૂપ છે. જૈન દર્શન સર્વોત્તમ છે. મનુષ્ય મુક્તિ માટે સતત મથે છે. જે સંસાર સ્થિતિ છે, એમાંથી એ મુક્ત થવા માગે છે. ભવમુક્તિ માટે એ મથે છે. મોહ અને માયાના નાશ માટે એ સતત પ્રયત્નશીલ રહે છે. જીવન મુક્ત થવા ઝંખે છે. પણ મુક્તિ મળે શી રીતે? મોહનો નાશ થાય શી રીતે? એ માટેનાં સાધનો છે, તે જૈનધર્મના જ અંગરૂપ છે. મોહનાશક સાધનો. મુક્તિ માટેના સાધનો. આત્માની શુદ્ધિ માટેનાં સાધનો - આ બધા જ સાધનો જૈનધર્મમાં રહેલાં છે. આ બધાં જ સાધનો જૈનધર્મના અંગરૂપ છે. ભવમુક્તિ સૌ ઈચ્છે છે. તપ કરે છે. સાધના કરે છે. સતત નામ રટણ કરે છે. સંસાર કડવો લાગે છે. સંસાર સંબંધો બેડરૂપ લાગે છે. એમાંથી એ મુક્તિ ઝંખે છે. મોહ એને વળગ્યો છે. મોહે તેને ઘેરી લીધો છે. મોહ તમસ એને વીંટળાઈ વળ્યું છે. મોહ ચોતરફથી એને વળગી પડ્યો છે. મોહનો એ નાશ ઝંખે છે. એ ઈચ્છે છે કે મોહ નષ્ટ થાય. તે આત્માની શુદ્ધિ ઝંખે છે. આત્મશુદ્ધિ માટે તે મથે છે. એના માટે જે સાધનો હાથવગાં છે, તેને પ્રયોજે છે.
અને સાચી વાત તો એ છે કે મુક્તિ માટેનાં, મોહના નાશ માટેનાં અને આત્મ શુદ્ધિ માટેનાં જે સાધનો થયા છે અને થશે તે સર્વ સાધનો જૈનધર્મના અંગરૂપ જ છે. ભિન્ન નથી.
ને તેથી જ શ્રેષ્ઠ છે આ ધર્મ. સર્વોત્તમ છે જૈન દર્શન.
૨૮૩
