________________
મોહમાં ફસાયેલો મનુષ્ય ધર્મના શુદ્ધ સ્વરૂપને જોઈ શકતો નથી. મોહ વગેરે પ્રકૃતિનો ધર્મ વૈભાવિક છે એમ તું જાણજે. એ સત્ય ધર્મ નથી.
ધર્મ એ છે જે - પ્રકાશ ફેલાવે. આત્મદૃષ્ટિ આપે. માલિન્યને દૂર કરે. અંધકાર નષ્ટ કરે. સત્યને પ્રત્યક્ષ કરે. દ્વેષ હટાવે. મનોમાલિન્ય ઓગાળે.
સત્પંથે લઈ જાય તે સત્ય ધર્મ. આત્માની શુદ્ધિ કરે તે સત્ય ધર્મ. આવા જે જે ધર્મો હોય, તે તમામ ધર્મો અપેક્ષાએ સત્ય છે. જૈનધર્મ તમામ અપેક્ષાએ સત્ય છે.
તે આત્માની શુદ્ધિ કરનાર ધર્મ છે. પ્રકાશ પાથરનાર ધર્મ છે. સત્પંથે લઈ જનાર ધર્મ છે. તેથી તે શ્રેષ્ઠ ધર્મ છે. સત્ય ધર્મ છે.
सर्वदर्शनधर्माणां, सत्यत्वं नयदृष्टितः । જૈનવર્શનસધર્મ, જ્ઞાનચેવ વિક્ષાઃ ॥ ૨૧ ॥
બુદ્ધિમાન અને વિચક્ષણ પુરૂષો નયદૃષ્ટિથી સર્વ બાબતોને જુએ છે, તેમ ધર્મને પણ જુએ છે. સદ્ધર્મનાં દર્શન કરે છે.
તેઓ બુદ્ધિમાન છે, વિચક્ષણ છે, તેથી સર્વ દર્શનો-ધર્મોમાં સત્યત્વરૂપ જૈન દર્શનરૂપ સદ્ધર્મ છે, એમ જાણે છે.
એ વાત સત્ય છે કે જૈન દર્શન સર્વ શ્રેષ્ઠ છે.
સર્વ દર્શનોમાં - સર્વ ધર્મોમાં - જૈન દર્શન સત્યત્વરૂપ છે. એ જ સદ્ધર્મ છે. એના જેવો કોઈ ધર્મ નથી. એના જેવું કોઈ દર્શન નથી. નયદૃષ્ટિથી આ જાણી શકાય.
વિચક્ષણ પુરૂષો - બુદ્ધિમાન પુરૂષો - સર્વ દર્શનોમાં શ્રેષ્ઠ દર્શન માને છે જૈન દર્શનને -
સર્વ ધર્મોમાં સત્યત્વરૂપ સદ્ધર્મ છે જૈનધર્મ. એવું માને છે. એમ જાણે છે. બુદ્ધિમાનોની બૌદ્ધિકતાની ઉચ્ચતા આ વાત સમજે છે. આ વાત જાણે છે.
તેમની દૃષ્ટિ ઉપલક દ્રષ્ટિ નથી. વિચક્ષણ દૃષ્ટિ છે. જૈન દર્શન સત્યત્વ રૂપ છે. જૈનધર્મ સદ્ધર્મ છે.
૨૮૨
