________________
ધર્મ એના ઉદ્ધારનું કારણ બનશે. જૈનધર્મીનું એ કર્તવ્ય છે. માત્ર જૈની હોવું પૂરતું નથી. જૈની તો માત્ર ઓળખાણ છે.
પણ માણસની સાચી ઓળખાણ એના કાર્યો થકી થાય છે, એની ધર્મપ્રીતિ થકી થાય છે.
શ્રી જિનેન્દ્ર પ્રભુનું દર્શન એના સુખનું કારણ બને છે.
તેથી જૈનધર્મી મનુષ્યોએ દરરોજ શ્રી જિનેન્દ્ર પરમાત્માનાં દર્શન અવશ્ય કરવાં જોઈએ.
પ્રભુનાં દર્શન અને ગુરુનાં પણ દર્શન. ગુરુ ભગવંતનાં દર્શન તેનો ભવ સુધારે છે. માત્ર દર્શન નહિ. દર્શન અને વંદન પણ. અને એય વિવેકપૂર્વક. માટે પ્રભુનાં દર્શન કરો. ગુરુ ભગવંતનાં દર્શન અને વંદન કરો. પણ વિવેકસહિત કરો. चतुर्विधमहासंघतीर्थस्य पूर्णरागतः । दर्शनं वन्दनं कार्यं, वैयावृत्यं च सर्वदा ॥ २१८ ॥ જૈનધર્મમાં ચતુર્વિધ સંઘનું મહત્ત્વ અનોખું છે. ચતુર્વિધ મહાસંઘને તીર્થરૂપ ગણેલ છે.
જેમ પ્રભુનાં અને ગુરુ ભગવંતનાં દર્શન-વંદન આવશ્યક છે, તેમ ચતુર્વિધ મહાસંઘરૂપ તીર્થના દર્શન કરવા જોઈએ.
વંદન કરવાં જોઈએ. વૈયાવચ્ચ કરવા જોઈએ. ચતુર્વિધ જૈન સંઘનું મહત્ત્વ ઘણું ઊંચું છે. તેથી જ તે તીર્થ રૂપ છે. જૈનધર્મીએ મહાસંઘ પ્રત્યે પૂર્ણ રાગ ધરાવવો જોઈએ. એના પ્રત્યે પૂર્ણ રાગ સહિત તેનાં દર્શન કરવાં જોઈએ. તેને વંદન કરવાં જોઈએ. તેના દર્શન કરવા જોઈએ. તેની વૈયાવચ્ચ કરવી જોઈએ. ચતુર્વિધ મહાસંઘ મહાન છે. શ્રેષ્ઠ છે. દર્શન તથા વંદનને યોગ્ય છે.
૨ ૨૧
