________________
જૈનધર્મના મહાન મહાન આચાર્યોએ આ તત્ત્વજ્ઞાનને જગત સમક્ષ ખૂલ્લું કર્યું છે.
અને તેથી જ જૈનધર્મ જગતમધ્યે આટલું બધું ઉચ્ચ કોટિનું પ્રદાન કરી શક્યો છે, જેની નોંધ જગતની મહાન હસ્તીઓએ લેવી પડી છે.
અહિંસાની ભાવના જૈન ધર્મમાં ગહનતાને સ્પર્શે છે.
માત્ર શરીરથી નહિ, માત્ર મનથી નહિ પણ વિચારથી પણ કોઈને દુઃખ પહોંચાડવું એ પણ હિંસા છે, જેનધર્મ આવી સૂક્ષ્માતિસૂક્ષ્મ હિંસાથી દૂર રહેવાની વાત કરે છે.
જૈનધર્મ કહે છેઃ બને તો કોઈને આપો. દુઃખ વેઠીને પણ બીજાને આપો પણ છીનવો નહિ. આપવાથી સુખ વહેંચાય છે હીના અત્તરની જેમ. આપનારને પણ સુખ થાય છે, લેનારને પણ સુખ થાય છે. કહ્યું છે કે બાંટનવારે કો લગે જો મહેંદી કો રંગ. મહેંદી વહેંચનારને પણ મહેંદીનો રંગ મળે છે. સુખનું પણ એવું છે. સુખ વહેંચવાથી વધે છે. સુખ વહેંચનાર પણ સુખાનુભવ કરે છે. તે પણ સુખી થાય છે. જેને સુખ આપવામાં આવે છે, તે પણ સુખી થાય છે. ક્ષમા, કરૂણા, મૈત્રી, નીતિ અને ન્યાય. ન જાણે જૈન ધર્મમાં આવાં તો કેટલાં બધાં ગુણરત્નો પડેલાં છે! કેટલી ઉચ્ચતા! કેટલી ઉત્તમતા! કેટલી મહાનતા!
તેથી જ તો જૈનધર્મ અનંત છે. આજે છે, ગઈ કાલે હતો અને આવતી કાલે પણ હશે.
આવા જૈનધર્મનું સેવન કરવા કોણ તત્પર ન બને?
અનેક આચાર્યો, જ્ઞાનીઓ અને તત્ત્વવેત્તાઓએ જૈનધર્મને અતિસમૃદ્ધ બનાવ્યો છે.
જ્ઞાનની અગાધતા આ ધર્મમાં છે. જ્ઞાનનાં ગૌરવવંતા શિખરો આ ધર્મમાં છે. એનું સેવન કરવાથી પ્રાપ્તિની કેવી મહાન દિશાઓ ખૂલી જાય. એના સેવનથી ગહનતા આવે. ઊંચાઈ આવે. મૈત્રીભાવ ઉદિત થાય. ક્ષમાશીલતા આવે. પ્રેમ અને કરૂણા આવે.
૨૪૨
