________________
વિશ્વમાં જ્યાં જ્યાં નજર નાખો, ત્યાં ત્યાં જૈનધર્મનું સામ્રાજ્ય નજરે
પડશે.
જૈનધર્મ વિશ્વ વ્યાપક છે. યુગ પ્રવર્તક છે.
અને આ જગત - આ વિશ્વ અનેક પ્રકારના પ્રશ્નોથી પીડાઈ રહ્યું છે. વેરઝેરની લબકારા મારતી આગ સર્વત્ર જોવા મળે છે.
અશાંતિની આંધી પ્રસરતી જાય છે. પીડાઓ છે. વેદનાઓ છે. વ્યથાઓ છે. અકળામણો છે ને મૂંઝવણો છે. વિશ્વ ગૂંગળાઈ રહ્યું છે.
હા, સુખ, શાંતિ અને માનવપ્રગતિથી વિપરીત પવન ફૂંકાઈ રહ્યો છે વિશ્વમાં. વિશ્વ સતત દાઝી રહ્યું છે.
વિશ્વ માનવ શાંતિ ઝંખે છે. ઉન્નતિ ઝંખે છે. પ્રગતિ ઝંખે છે. સ્નેહનું પ્રવર્તન ઝંખે છે.
અને વિશ્વને આ બધું જ આપી શકે છે કેવળ અને કેવળ જૈન ધર્મ. કારણ કે - જૈનધર્મમાં ઉત્તમ ગુણરત્નોનો ભંડાર છે. શાંતિદાયક સિધ્ધાન્તો છે. ઉન્નતિ માટેના નિયમો છે. પીડાઓના શમન માટેની ઔષધિઓ છે - દિવ્ય ઔષધિઓ છે. બસ, ને વિશ્વનો સરેરાશ માનવી ઈચ્છે છે કે એને સુખ મળે, શાંતિ મળે, મબલખ તકો મળે, ઉન્નતિનાં નિમિત્તો મળે.
અને આ નિમિત્તો આપે છે જૈન ધર્મ. કેવળ જૈનધર્મ.
કે જે ધર્મ વિશ્વ વ્યાપક છે કે જે ધર્મ યુગ પ્રવર્તક છે કે જે ધર્મ શાંતિદાયક છે કે જે ધર્મ માનવ માત્રની ઈચ્છાઓ પૂરી કરવાની ક્ષમતા ધરાવે છે.
અને એટલે સૌને વિશ્વાસ છે, શ્રધ્ધા છે આ ધર્મ પર. જૈનધર્મ એમની અપેક્ષાઓને સંતોષશે જ.
શાંતિ જરૂર પ્રસરાવશે.
જગતની આ ઝંખના છે. વિશ્વની આ અપેક્ષા છે. શાંતિ, સ્નેહ, ઉન્નતિ.
અને જ્યારે આવા મહાન, ઉત્તમ અને મૂલ્યવાન સિદ્ધાન્તોથી ભરેલા જૈનધર્મનું સામ્રાજ્ય વિશ્વમાં પથરાયેલું હોય, ત્યારે માનવીની અપેક્ષાઓ કેમ ન સંતોષાય ? કેમ એની પૂર્તિ ન થાય?
જરૂર એમ જ બને.
જૈનધર્મ થકી સકલ વિશ્વમાં સાચી ઉન્નતિ થાઓ. અને સર્વત્ર શાંતિ સ્થપાઓ.
૨૬૪
