________________
માટે હિંસાને હણો. અહિંસાને સ્થાપો. આત્માની રક્ષા માટે સ્વભાવથી અહિંસા જ મુખ્ય કારણ છે. સંઘ વગેરેની રક્ષા માટે પણ અહિંસા જ મુખ્ય કારણ છે. તેથી અહિંસા સ્થાપો. અહિંસાનો પ્રચાર કરો. ભલે તે માટે ઘસાવું પડે. ભલે તે માટે આત્મભોગ આપવા પડે. आत्मवत्सर्वलोकेषु, वर्तनं जैनर्मिभिः । कर्तव्यं जैनधर्मोऽस्ति, सत्यं मया प्रकाशितम् ।।२८२ ॥
શ્રી નેમિનાથ જગત્મભુ દ્વારિકાપુરીમાં પધાર્યા છે. દ્વારિકાપુરીના રાજા શ્રી કૃષ્ણ વાસુદેવને બાવીસમા તીર્થકર શ્રી નેમિનાથ પ્રભુ ધર્મનો બોધ કરાવી રહ્યા છે.
આત્મા વગેરે તત્ત્વનો બોધ દ્વારા તેઓ શ્રી કૃષ્ણ વાસુદેવને પ્રતિબોધ પમાડી રહ્યા છે.
જૈનધર્મ અને જૈનધર્મી એટલે કે જૈન.
જૈનધર્મી માટે આ જગતના તમામ લોકો એક સમાન છે. જગતના તમામ લોકો સાથે જૈનધર્મીએ આત્મવત્ વર્તન કરવું જોઈએ..
જૈનધર્મ એટલે? અન્યને પણ આત્મવત્ ગણીને તે પ્રમાણે વર્તવું તે જૈનધર્મ છે. જૈનધર્મી માટે સૌ સમાન છે. એક સરખા છે. સહુને એ પોતાના ગણે છે. પોતાનાથી જરા જુદા ગણતો નથી. આત્મવતુ. આત્મા જેવો. પોતાની જાતા સમાન જગતના સર્વ લોકોમાં તે પોતાનું જ પ્રતિરૂપ જુએ છે. પોતાનાથી તેમને અલગ ગણતો નથી: જેવો પોતે. તેવા એ. તેવા સહુ. જે પોતાને ગમે તે સૌને ગમે. જાત અને જગત વચ્ચે તે અભેદ રચે છે. એકાત્મભાવ રચે છે. અભિન્નતા અનુભવે છે.
જેવો વ્યવહાર તે જાત સાથે કરે છે, તેવો જ જગતના લોકો સાથે કરે છે.
જગતના માણસો જુદા નથી.
૨૭૬
