________________
કારણ કે તેમની દુષ્ટતાની અસર તેનામાં આવ્યા વિના રહેતી નથી. દુષ્ટથી બચો. દુષ્ટથી દૂર રહો.
દુષ્ટની મિત્રતા ન કરો. એનો સંગ ન કરો.
ચોરી કરનારાઓને ઉચિત દંડ કરવો જોઈએ.
જેથી તે ચોરી કરતો અટકે. ચોરીનું કર્મ ભવિષ્યમાં ન કરે. બીજા કોઈ એનામાંથી પ્રેરણા ન લે તે માટે. હિંસા પણ ગુનો છે. હિંસા ન આચરવી જોઈએ. હિંસા કરનારાઓને પણ દંડ દેવો જોઈએ. જેથી હિંસા અટકે. શાંતિ સ્થપાય. વ્યક્તિ સુરક્ષિત બને. જગતના લોકોની સાથે રાજ્યનીતિના પ્રબંધપૂર્વક વર્તવું જોઈએ. अहिंसा सर्वखण्डेषु, प्रतिष्ठाप्याऽऽत्मभोगतः । आत्मसंघादिरक्षायामर्हिसैव स्वभावतः ॥ २८१ ॥
હિંસા નહિ અહિંસા આચરો.
હિંસા અશાંતિ સર્જશે. વેર વધારશે. શાંતિનો નાશ કરશે. હિંસા માણસને હેવાન બનાવશે. પશુતાનો પડોશી બનાવશે. રાક્ષસ બનાવશે. માટે હિંસા ન આચરો.
અહિંસા અપનાવો. અહિંસાનું આચરણ કરો.
અહિંસા જ પરમધર્મ છે. અહિંસાનો સર્વત્ર પ્રચાર કરવો જોઈએ. સર્વ ખંડોમાં- સર્વ દેશોમાં પ્રચાર કરવો જોઈએ.
ભલે એ માટે ભોગ આપવો પડે.
આત્મભોગ પૂર્વક અહિંસાનો સર્વ ખંડોનાં પ્રચાર કરવો જોઈએ. હિંસાને ભગાડો. એને નષ્ટ કરો. એને હટાવી દો. હિંસાથી બચો. અહિંસાનો પ્રચાર કરો.
જીવનમાં અને જગતમાં માત્ર અને માત્ર અહિંસાની સ્થાપના કરો. આત્મરક્ષા માટે જરૂરી છે અહિંસા.
જ્યાં હિંસા છે. ત્યાં રક્ષા નથી. સુરક્ષા નથી. આત્મ સ્વાતંત્ર્ય નથી. આત્માની રક્ષા માટે જરૂરી છે અહિંસાની ભાવના. હિંસા યુદ્ધ લાવશે. અહિંસા શાંતિ લાવશે. હિંસા વેર વાવશે. અહિંસા પ્રેમ વાવશે.
૨૭૫
