________________
જૈનો માટે જિનેન્દ્ર પ્રભુનું શરણ જ ઉત્તમ ધ્યેય છે. ને જિનેન્દ્ર પ્રભુ જ્યાં પવિત્રતા હોય છે, ત્યાં જ વસે છે. જૈનોનું હૃદય પવિત્ર છે. જિનેન્દ્ર પ્રભુ ત્યાં વસે છે. પરિણામથી જૈનોના હૃદયમાં જિનેન્દ્ર રહેલા છે. તેથી તેમનું પવિત્રપણું અજોડ છે. પવિત્રતા અન્યને પવિત્ર કરે છે. સ્થળને પવિત્ર કરે છે. દેશને પવિત્ર કરે છે. જગતને પવિત્ર કરે છે.
અને જેના હૃદયમાં મહાન જિનેન્દ્ર પ્રભુ રહેલા હોય એવા જૈનોના પવિત્રપણાની વાત જ શી કરવી?
જૈનોની આ પવિત્રતા જગતને અજવાળે છે. જગતની મલિનતાનો નાશ કરે છે. વિશ્વને પવિત્ર કરે છે.
તેથી હૃદયમાં પરિણામથી જિનેન્દ્ર રહેલા છે એવા જૈનો પવિત્ર છે અને વિશ્વને પવિત્ર કરે છે.
जैनाऽऽत्मैव परब्रह्म, मनोदेहनियामकः । अन्तर्यामी वपुः सृष्टौ, तस्मै नित्यं नमो नमः ॥२६५ ॥ જૈનધર્મી. જૈનધર્મનું પાલન કરનારા જેનો.
ઉત્તમ પુણ્ય બળને કારણે જેમને જૈનધર્મ જેવો ઉત્તમ ધર્મ આ ભવમાં પાલન કરવા મળ્યો છે, તેવા સમ્યફ આચાર-વિચારવાળા મનુષ્યો. તે જૈનો. જૈનધર્મીઓ.
જૈન આત્મા શ્રેષ્ઠ છે. જૈન આત્મા મનનું નિયમન કરે છે. જૈન આત્મા દેહનું નિયમન કરે છે. આવો જૈન આત્મા સાચે જ પરબ્રહ્મ છે. શરીર એક સૃષ્ટિ છે. આ શરીર સૃષ્ટિનો તે અંતર્યામી છે. સાચે જ આવો જૈન આત્મા વંદનને યોગ્ય છે. નમનને યોગ્ય છે.
આવા પવિત્ર તથા દેહ અને મનના નિયામકરૂપ જૈન આત્માને, મનના નિયામકરૂપ જૈન આત્માને વારંવાર નમસ્કાર થાઓ.
૨૬ ૨
