________________
जैनधर्मस्य रक्षायां, धर्मो भवति देहिनाम् ।
महान् हि तीर्थकृन्नामबन्धो भवति देहिनाम् ॥ २६१ ॥ જૈનધર્મની રક્ષાનું ફળ બહુ મોટું છે.
અતિ ઉત્તમ ફળ છે. સર્વ શ્રેષ્ઠ ફળ છે. સર્વોત્તમ ફળ છે. જૈનધર્મની રક્ષામાં અનંત જીવોની રક્ષા થાય છે અને જીવ રક્ષા એ જ મોટામાં મોટો ધર્મ છે.
જૈનધર્મની રક્ષા કરનારા મોટામાં મોટું પુણ્યકર્મ બાંધે છે. ઊંચામાં ઊંચું પુણ્ય કર્મ બાંધે છે. શ્રેષ્ઠમાં શ્રેષ્ઠ પુણ્ય કર્મ બાંધે છે. સર્વોત્તમ પુણ્યકર્મ નિષ્પન્ન કરે છે. નિકાચિત કરે છે. કારણ કે આ સૌથી મોટું સુકૃત્ય છે.
ખરેખર તો જૈનધર્મની રક્ષા કરનાર તીર્થંકર નામકર્મ બાંધે છે. जैनानां संकटे प्राप्ते, ये भवन्ति सहायकाः ।
ते पराऽऽत्मपदं यान्ति, पुण्यानुबन्धकारकाः ॥ २६२ ॥ જૈનધર્મ ઉત્તમ ધર્મ છે. એવા જ ઉત્તમ છે જૈનો.
જૈનધર્મની તેઓ રક્ષા કરે છે.
સાધર્મિક ભક્તિ માટે સદૈવ તત્પર રહે છે.
ખરેખર તો પુણ્ય પ્રભાવે કરીને તેમણે એક ઉચ્ચ ધર્મને આ જીવનમાં પ્રાપ્ત કર્યો છે.
ક્યારેક જૈનો માટે સંકટનો સમય પણ આવે છે. જૈનો મૂંઝાય છે. આવા સંકટના સમયે જૈનોને જે સહાયભૂત થાય છે, તે પુણ્યનો અનુબંધ કરે છે.
આમ પુણ્યનો અનુબંધ કરનારા તેઓ પરંપરાએ પરમાત્મપદને પામે છે.
આ એક મહાન પુણ્ય છે. જૈનોને સહાયક બનવું તે. જૈનોને ઉપકારી
બનવું તે.
કારણ કે એક શ્રેષ્ઠધર્મનું પાલન કરનાર અતિ પવિત્ર જીવોને સહાયક બનવું, તે ઉત્તમ પુણ્ય બાંધવા બરાબર છે. આ દરેકનું કર્તવ્ય છે.
આ પુણ્ય કાર્યમાં મદદરૂપ બનવાની સૌને માટે તાતી જરૂર છે.
૨૬૦
