________________
જ્ઞાનની તમામ ઊંચાઈઓ તેને પ્રાપ્ત થાય છે. અસીમ અનંત જ્ઞાન તેને પ્રાપ્ત થાય છે. સદ્ગુરુની કૃપા મેળવનાર ભાગ્યશાળી અને મહાન છે.
અનેક જન્મોમાં પુણ્ય એકત્રિત થયાં હોય ત્યારે તેને આ ભવે મળે છે સદ્ગુરુ અને એને પ્રાપ્ત થાય છે સદ્ગુરુની કૃપા.
સદ્ગુરુની કૃપા તેને ધન્ય બનાવી દે છે. જીવનને ભવ્ય બનાવી દે છે. જીવનને કૃતકૃત્ય બનાવી દે છે.
ગુરુ એને અજ્ઞાનના અંધકારમાંથી બહાર લાવે છે. એના અંધકારને ફેડે છે અને પ્રકાશ ભણી લઈ જાય છે. સદ્ગુરુની કૃપા જેને મળી તેને પારસમણિ મળ્યો જાણવો. તેના ભવોભવનાં પુણ્ય જાગ્યાં જાણવાં.
સદ્ગુરુની પ્રાપ્તિ સાચે જ કોઈ અમોલક ચીજની પ્રાપ્તિ સમાન છે. જેની પ્રાપ્તિથી તેની તમામ મૂંઝવણોનો અંત આવી જાય છે અને જ્ઞાનના પરમ પ્રકાશમાં તે સ્નાન કરે છે.
તેનું અંતઃકરણ શુદ્ધ થાય છે. તે જ્ઞાન સમૃદ્ધ બને છે.
દુર્ભાવો નાશ પામે છે. અંતરતાપોનું શમન થાય છે. પરમ શાંતિ ઉદ્ઘાટિત થાય છે. જ્ઞાનનાં દ્વાર તેના માટે ખૂલી જાય છે.
તે સ્યાદ્વાદજ્ઞાનનો જાણકાર બને છે. તે સાચો ધર્મી બને છે. સાચો જૈનધર્મી બને છે. ગુરુનો એ પ્રતાપ છે. સદ્ગુરુનો એ પ્રભાવ છે. સદ્ગુરુ એનો અંધકાર ફેડે છે, તમસ હણે છે. પ્રકાશ આપે છે. પ્રકાશની દુનિયામાં લઈ જાય છે. એના જીવનને પ્રકાશિત કરી નાખે છેને તે જૈનધર્મી છે એમ જાણવો. आगमनिगमव्याप्तो, जैनधर्मः सनातनः । कलौ प्रवर्त्यति विश्वोद्धारक मुक्तिदायकः ॥ २४१ ॥ જૈનધર્મ સાચે જ મહાન છે.
જગતની શ્રેષ્ઠ ફિલસૂફી જૈનધર્મમાં નિહિત છે એટલું જ નહિ પણ ઉત્તમ ગુણરત્નો જૈનધર્મમાં પડેલાં છે.
જૈનધર્મમાં ઉત્તમતા છે, તો વ્યાપકતા પણ છે.
૨૪૪
