________________
આ બધાં તો શાંતિના સિદ્ધાન્તો છે. મારવાની વાત છોડો. જીવાડવાની વાત કરો. વેરની વાત છોડો. પ્રેમની વાત કરો. શત્રુત્વની વાત છોડો. મૈત્રીની વાત કરો. હિંસાની નહિ, અહિંસાની વાત કરો. ક્ષમાની વાત કરો. ક્ષમા માગો. ક્ષમા આપો. જૈનધર્મ દોષોનો નાશ કરનાર છે. ગુણોનો પ્રકાશ કરનાર છે. દોષદર્શી નહિ ગુણગ્રાહક બનો. મનુષ્યોને એ નિર્ભય બનાવનાર છે. મનુષ્યોને એ શાંતિ અર્પનાર છે. પ્રેમ અને કરૂણાનાં જળ વહાવનાર છે. મનુષ્યોને સર્વશક્તિ આપનાર છે એટલે તો એ શ્રેષ્ઠ છે. જગતના સર્વપ્રશ્નોના ઉકેલ જૈનધર્મમાં પડેલા જ છે.
આવો છે જૈનધર્મ. જેને અનુસરીને સમગ્ર સૃષ્ટિ પોતાના તમામ પ્રશ્નોનો ઉત્તર મેળવી શકે છે.
आत्मनि जैनधर्मोऽस्ति, बहिस्तु व्यवहारतः। . व्यवहारो न मोक्तव्यो, जैनसंघस्य रक्षकः ॥२४८ ॥
કોઈપણ ધર્મની રક્ષા થવી જરૂરી છે. જૈનધર્મનું રક્ષણ વ્યવહાર કરે છે. નિશ્ચયથી જૈનધર્મ તો આત્મામાં છે. અને બાહ્યપણે વ્યવહારમાં પણ છે.
વ્યવહાર ધર્મનું રક્ષણ કરે છે તેથી જૈનસંઘનું રક્ષણ કરનાર વ્યવહારનો કદી ત્યાગ ન કરવો.
૨૫૧
