________________
जिनेन्द्रगुरुनिर्दिष्टा, विचाराचारराशयः । देशकालोद्भवास्तेऽपि, जैनधर्मो मयोच्यते ॥ २५० ॥ જૈનધર્મ શું છે? વિચારો અને આચારોના સમૂહો. કોણે આપ્યા આચારો? કોણે કહ્યા વિચારો? દેશ અને કાળ પ્રમાણે આ આચાર વિચારો જમ્યા છે. ઉદ્ભવ્યા છે. પ્રગટ થયા છે. દેશ અને કાળ. સમય અને સંજોગ. વક્તની રફતારમાં વિચારો અને આચારો ઉદ્ભવતા હોય છે. જિનેન્દ્ર ભગવંતોએ આ વિચારો અને આચારો કહેલા છે. ધર્મ હેતુ માટે કહ્યા છે. જગતની શાંતિ માટે કહ્યા છે. જગતના કલ્યાણ માટે કહ્યા છે. જિનેન્દ્ર ભગવંતો હંમેશાં જગતનું સર્વપ્રકારી કલ્યાણ જ ઈચ્છે છે.
સૌનું સુખ ઈચ્છે છે. શાંતિ ઈચ્છે છે ને એ પ્રમાણે-આચારવિચારો કહે છે.
વળી જૈનધર્મના ગુરુઓએ પણ આ આચારવિચારો કહેલા છે. ગુરુના વિચારો સદ્ધર્મ માટે હોય. સમ્યક જીવન માટે હોય. પ્રેમ અને શાંતિ માટે જ હોય.
માણસે પોતાના કલ્યાણ માટે, આત્માની શુદ્ધિ માટે તથા મુક્તિ માટે કયા વિચારો અને આચારોનું પાલન કરવું તે સગુરુઓ બતાવે છે.
જે એમ વિચારે છે, જે એમ આચરણ કરે છે, તે જીવન મુક્ત બને છે. મોક્ષમાર્ગી બને છે.
આવા વિચારો અને આવા આચારો દેશ પ્રમાણે - કાળ પ્રમાણે - સતત ઉદ્ભવતા હોય છે. જિનેન્દ્ર પ્રભુઓ આ વિચારોને વ્યક્ત કરતા હોય છે. આચાર માટે આગ્રહ રાખતા હોય છે. સદ્ગુરુ પણ આવા વિચારો અને આચારો કહે છે.
આવા આચારો અને વિચારોના સમૂહો- એ જ જૈનધર્મ છે એમ જાણજો..
૨૫૩
