________________
रागद्वेषादिदोषाणां नाशको द्रव्यभावतः । નૈનધર્મ: સ વિજ્ઞેય, નિનેન્દ્રભક્તિપોષઃ ॥ ૨૪૬ ॥ જૈનધર્મની ઉત્તમતા એના ગુણ ધર્મોમાં રહેલી છે. ઉત્તમ ગુણો અને સિદ્ધાન્તો જૈનધર્મના છે. માનવીને વળગેલાં હોય છે- રાગ અને દ્વેષ. સંસારમાં રમણ કરનારા માણસો રાગયુક્ત હોય છે. રાગાદિ ભાવોમાં રમનારા હોય છે.
મોહ અને માયાને કારણે તેઓ સંસાર સંબંધોમાં રાગાત્મક ભાવ અનુભવે છે.
રાગ બંધનમાં બાંધે છે. રાગ મોહમાં લપેટે છે. માયા સુંદરી રાગાત્મક દોરડાં વડે માનવીને બંધનમાં નાખે છે. મોહં તમસ એને ઘેરી વળે છે. મોહના ચક્રમાં એ ફસાય છે. મોહ સાંસારિક બાબતોમાં એને ગુંચવી નાંખે છે. માયાનાં મોહક રૂપો એને વિચારોનું અંધત્વ પ્રેરે છે. જૈનધર્મ આ બંધનોમાંથી માણસને છોડાવે છે.
સાચી સમજણ આપે છે. સત્ય જ્ઞાન આપે છે.
.
દ્રવ્ય અને ભાવ વડે- તે રાગ, દ્વેષ વગેરે દોષોનો નાશ કરે છે. રાગ આવે. પછી દ્વેષ આવે. ઈર્ષા ભાવ આવે.
શત્રુભાવ આવે. પાપાત્મક કૃત્યો આવે.
માણસ એમાં ફસાતો જાય. પીસાતો જાય. ગુંચવાતો જાય. ટીચાતો જાય. બંધનમાં બંધાતો જાય.
કાદવમાં ખૂંપતો જાય. કીચડમાં લેપાતો જાય.
સંસાર આવા તો અનેક દોષોથી ભરેલો છે. આ દોષો માનવીને વળગે છે.
કારણ કે આ દોષોનું બાહ્ય સ્વરૂપ સુંદર છે, મધુર છે પણ એને ખબર નથી ખૂબસૂરત બોટલમાં ભરેલું વિષ એ પી રહ્યો છે.
જૈનધર્મ આ દોષરૂપી ઝેરથી એને બચાવે છે ને દોષોનો નાશ કરે
છે.
સાચો છે ધર્મ. સાચી છે ભક્તિ.
જિનેન્દ્રની ભક્તિ માટે એ મનુષ્યને પ્રેરે છે.
જિનેન્દ્ર ભક્તિનો એ પોષક છે. શુદ્ધિ અને મુક્તિનો ઘોતક છે.
૨૪૯
