________________
પણ બને છે એવું કે મોટા ભાગે મનુષ્યો મેળવવામાં અને મેળવેલાને સંગ્રહવામાં રચ્યાપચ્યા રહે છે.
આપી શકતા નથી. છોડી શકતા નથી. ત્યજી શકતા નથી. લઈ લેવાનો એમનો નિયમ છે. મેળવવાનો એમનો નિયમ છે. સંગ્રહવાનો એમનો નિયમ છે. આપતાં અચકાય છે. ત્યાગતાં જીવ બાળે છે. છોડતાં ખચકાય છે. તેથી આપી શકતા નથી. તેથી પામી શકતા નથી. જૈનધર્મ એક ઉત્તમ ધર્મ છે.
અનેક ભવોનાં સંચિત પુણ્યોના પરિણામ રૂપે આ ભવે જૈનધર્મ મનુષ્યોને પ્રાપ્ત થયો હોય છે.
અમૂલખ જીવન છે. અમૂલખ ભવ છે. અમૂલખ ધર્મ છે. જેની હોવું એ ગૌરવની બાબત છે. જૈનધર્મી હોવું એ સાચે મહા ગૌરવની ઘટના છે.
આવા મહાન ઉપકારી અને અનન્ય જૈનધર્મને પ્રાપ્ત થનાર મનુષ્યનું એ કર્તવ્ય બની જાય છે કે જૈનધર્મની રક્ષા કરવી.
જૈનોની રક્ષા. જૈનત્વની રક્ષા. જૈનધર્મની રક્ષા. જૈન અને જૈનધર્મની રક્ષા માટે મનુષ્ય બધું જ કરી છૂટવું પડે. ભલેને શરીરનો ત્યાગ કરવો પડે. ભલેને ધનનો ત્યાગ કરવો પડે. ભલેને સર્વસ્વનો ત્યાગ કરવો પડે.
જૈનો અને જૈનધર્મની રક્ષા તો કરવાની જ છે, એના માટે તમામ પ્રકારનો ત્યાગ પણ કરવાનો છે પણ ધર્મરક્ષા ઉપરાંત ધર્મની વૃદ્ધિ માટે - એના વિકાસ માટે મનુષ્યોએ ત્યાગમૂર્તિ બનવાનું છે.
તનથી, મનથી અને ધનથી સર્વસ્વ સમર્પિત કરી દેવાનું છે. આ ત્યાગ પ્રાપ્તિનું નિમિત્ત છે. ત્યાગીને પામવાનું છે. આપીને પ્રાપ્ત કરવાનું છે. જૈનો માટે જૈનધર્મ માટે. એની રક્ષા માટે. ને એની વૃદ્ધિ માટેસર્વસ્વનો વિવેકપૂર્વક ત્યાગ કરવો જોઈએ.
૨ ૨૫
