________________
तीर्थस्थानेषु संघस्य, संमेल: प्रतिवत्सरम् । कर्तव्यो धर्मवृद्ध्यर्थं , तथा तीर्थस्य पूजने ॥ २३२ ।। ધર્મની વૃદ્ધિ દરેક માનવી ઈચ્છે છે.
સૌ કોઈ અભિલાષા રાખે છે કે “પોતાનો ધર્મ વૃદ્ધિ પામે એટલું જ નહિ પણ એનો સર્વત્ર પ્રચાર થાય.”
સદ્ધર્મનો પ્રચાર સૌ કોઈ ઝંખે. જૈનધર્મ સધર્મ છે. એનો પ્રચાર જરૂરી છે. એની વૃદ્ધિ જરૂરી છે. એની વૃદ્ધિ માટે મથામણ પણ એટલી જ જરૂરી છે. પણ ધર્મની વૃદ્ધિ હાથ જોડીને બેસી રહેવાથી કદી થતી નથી. એ માટે- અપ્રમાદી બનવું પડે. સર્વત્ર ભ્રમણ કરવું પડે. સમ્યક જ્ઞાન પ્રાપ્ત કરવું પડે. સતત મથવું પડે. સંમેલનો કરવાં
જીવનમાં જરૂરી છે. ધર્મની વૃદ્ધિ અને તીર્થપૂજન. જૈનો આ વાત સારી રીતે જાણે છે. સારી રીતે સમજે છે. જૈનસંઘોમાં આ વાત સર્વમાન્ય સ્વીકૃત છે. ધર્મની વૃદ્ધિની વાત. તીર્થ પૂજાની વાત. દર વર્ષે સંઘ સંમેલન થકી સરળતાપૂર્વક થઈ શકે છે. જૈનધર્મમાં શ્રી સંઘને મહત્ત્વના સ્થાને ગયું છે. સંઘ થકી જ ધર્મનો પ્રચાર થઈ શકે છે. ધર્મની વૃદ્ધિ થઈ શકે છે. એ માટે દર વર્ષે સંઘ સંમેલન કરવું જોઈએ. સંમેલનમાં ધર્મવૃદ્ધિ માટે વિચારોની અભિવ્યક્તિ થાય છે. નવા વિચારો પ્રગટે છે. નવી દિશા મળે છે. સંઘ દ્વારા જૈનધર્મનો વિકાસ થાય છે. વૃદ્ધિ થાય છે. પ્રચાર થાય છે. શ્રી સંઘ આ બધું કરી શકે છે. સજ્જનો આ સંઘમાં સંમિલિત હોય છે. તેમની પાસે વિચારબળ હોય છે.
૨૩૫
