________________
निन्दा कार्या कदाचिन्न, जैनै देवस्य सद्गुरोः। हेलना न च कर्तव्या, प्राणान्तेऽपि च धर्मिणाम् ॥२१९॥ નિંદા કુથલી. ઉતારી પાડતી વાણી. જૈનધર્મમાં નિંદાને હલકી ગણી છે. કુથલીને ત્યજવા યોગ્ય ગણી
નિંદા કરનાર અન્યનો મેલ ધુએ છે ને પોતાના મનને મેલ કરતો રહે છે.
નિંદા બૂરી ચીજ છે માટે નિંદાથી બચો.
પરંતુ આ રાગદ્વેષમય જગતમાં નિંદાનો મહારોગ મોટાભાગના મનુષ્યોને લાગુ પડ્યો હોય એવું જણાય છે.
બીજાનું બૂરું બોલતાં મનુષ્ય અચકાતો નથી. એની ગેરહાજરીમાં એના વિષે ભૂંડ બોલવાનું એ ચૂકતો નથી.
સ્ત્રી હોય કે પુરુષ. યુવાન હોય કે વૃદ્ધ. આ રોગના સહુ કોઈ ભોગ બનેલા છે.
હા, એટલું જરૂર કે નિંદા કરવાથી જેની નિંદા થઈ રહી છે, તેનાં પાપ ધોવાય છે. તે નિર્મળ બને છે.
પણ નિંદા કરનાર ખુદ મેલવાળો બની જાય છે. નિંદા કરીને તે કેવળ પાપ જ ગ્રહણ કરે છે. એક તત્ત્વજ્ઞાની સંતે તો એટલે સુધી કહ્યું છે કેઃ
નિંદા કરનારને નજીકરાખવો જોઈએ. આંગણામાં કુટીર બનાવીને તેને આપણી પાસે જ રાખવો. જેથી પાણી કે સાબુ વગર તે આપણા સ્વભાવને મેલ રહિત કરે.
તે અન્યના પાપ ધુએ. અને પોતે પાપગ્રસ્ત બને. નિંદા લોભામણી છે. નિંદા કરવાનું માણસને ગમે છે. પણ સાચી વાત તો એ છે કે માણસે નિંદાથી બચવું જોઈએ. જૈનોએ ક્યારેય પણ દેવની અને સદ્ગુરુની નિંદા ન કરવી જોઈએ. નિંદા અશુભ છે. નિંદાથી શુભત્વ નષ્ટ થાય છે. માટે નિંદાથી બચો. નિંદાથી અળગા રહો. કોઈનું બૂરું બોલતાં પહેલાં સો વાર વિચાર કરો.
૨ ૨ ૨
