________________
चतुर्विधस्य संघस्य, प्रत्यनीका भवन्ति ये ।
तेषां शिक्षणकार्येषु, मुक्ति जैनेन्द्ररागिणाम् ॥ २१४॥ જૈનધર્મ, જૈનો અને ચતુર્વિધ સંઘ.
સમ્યક્ જ્ઞાન કે શિક્ષણના અભાવે ચતુર્વિધ સંઘના પ્રત્યેનીક શત્રુઓ કેટલાક બનતા હોય છે.
એ અજ્ઞાન છે. અસત્ પ્રિયતા છે. સાચી સમજણનો અભાવ છે. અને તેથી જ તેઓ ચતુર્વિધ સંઘના પ્રત્યેનીક-શત્રુઓ છે. આવા લોકોને સત્ શિક્ષણ આપવાનું કાર્ય કરવું જોઈએ. આવું શ્રેષ્ઠતમ કાર્ય(સત્ શિક્ષણ આપવાનું) કરનારા જિનેન્દ્રરાગીઓ છે.
શ્રેષ્ઠ જૈનધર્મીઓ છે. આવું શ્રેષ્ઠ કાર્ય કરનાર શ્રેષ્ઠ જૈનધર્મીઓ અવશ્યપણે મુક્તિને પામે છે. માટે સત્ શિક્ષણ આપો. સત્યનો માર્ગ બતાવો. ધર્મનો માર્ગ બતાવો.
जैनानां जैनधर्मस्य, शत्रूणां शिक्षणाय ये ।
योग्यकर्म न कुर्वन्ति, ते स्यु र्मोहपरायणा ॥ २१५ ॥ જૈનધર્મમાં ગુણરત્નોની અનેક વિભાવનાઓ પડેલી છે, જૈનધર્મ શ્રેષ્ઠ છે અને તેથી જૈનધર્મી પણ શ્રેષ્ઠ છે. તેમ છતાં અજ્ઞાનતાવશ કેટલાક જૈનધર્મ પ્રત્યે શત્રુત્વ દાખવે છે. આવા લોકોને સત્ શિક્ષણ મળ્યું નથી હોતું ને તેથી જ તેઓ શત્રુભાવ ધારણ કરે છે.
તેમને સાચી વાતની સમજણ આપવી જોઈએ.
તેમને સાચું શિક્ષણ આપવું જોઈએ.
જૈનોની આ ફરજ છે. સાચા જૈનનું આ કર્તવ્ય છે.
જૈનધર્મના શત્રુઓના શિક્ષણ માટે યોગ્ય કર્મ જેઓ કરતા નથી, તેઓ સાચે જ મોહ-પરાયણ છે એમ માનજો.
૨૧૯
