________________
શુદ્ધ શાકાહારી અને પવિત્ર ભોજનવાળા જેનો એક જ છે. એમનો વ્યવહાર પણ એક સમાન છે. વ્યવહાર શુદ્ધિ છે એમનામાં. વ્યવહારનું પવિત્રપણું છે.
પરસ્પરનો વ્યવહાર અઘટિત કે અશોભનીય ક્યારેય હોતો નથી, કારણ કે તેઓ જૈન છે. આહાર શુદ્ધિને વરેલા છે. વ્યવહાર શુદ્ધિને વરેલા
ને જેના આહાર - વ્યવહારમાં પવિત્રતા હોય તેના વિચારો પણ પવિત્ર હોય. વર્તન પણ પવિત્ર હોય.
જૈનો માટે જૈનો સ્વભાવથી જ આત્મીય છે. આહાર - વ્યવહારમાં પરસ્પર પવિત્રપણું દ્રષ્ટિગોચર થાય છે. जैनसंघो महातीर्थं, सर्वतीर्थशिरोमणिः । तदस्तित्वे सदा जैनैः, कर्तव्यं स्वार्पणं कलौ ॥२०१॥ જૈનસંઘ એ તીર્થ છે. તીર્થ જ નહિ, મહાતીર્થ છે. સર્વ તીર્થોમાં શિરોમણિ છે.
હાલ જે પાંચમો આરો પ્રવર્તી રહ્યો છે, તેવા કલિયુગમાં જૈન સંઘના જૈનધર્મના અસ્તિત્વ માટે વિશેષપણે સભાનતા અને સ્વાર્પણ જરૂરી છે.
સ્વાર્પણ વગર સિદ્ધિ નથી. ટકવું હશે કે ટકાવવાનું હશે તો સ્વાર્પણ જોઈશે. જૈનસંઘને ટકાવવો છે. એના અસ્તિત્વને ટકાવવું છે.
એના અસ્તિત્વ સામે ખતરો પેદા થાય તેમ હોઈ સહુ જૈનીઓએ એક બની સમર્પણની ધારા વહાવવાની જરૂર છે.
એ માટે જેનોએ હંમેશાં સ્વાર્પણ કરવું જોઈએ. ત્યાગની ભાવના રાખવી જોઈએ. આપીને ઉજળા બનીએ. છોડીને શ્રેષ્ઠ બનીએ. સ્વાર્પણ શ્રેષ્ઠત્વનું પુરસ્કર્તા છે. સ્વાર્પણ માટે સૌએ સજ્જ બનવાનું છે. તમામ જેનીઓએ. પછી તે કોઈપણ જાતિના હોય.
૨૦૯
