________________
સર્વ લોક વિષે અસંખ્ય પ્રાણીઓ છે. અપાર જીવો છે. સંખ્યાતા
મનુષ્યો છે.
પણ એથી શું ? જિનપણું ક્યાં દરેકને પ્રાપ્ત થાય છે ? જ્યાં શક્તિપણું હોય, ત્યાં જિનપણું હોય. જ્યાં દ્રઢતા હોય, ત્યાં જિનપણું હોય. જિનપણું દ્રઢતાનો પર્યાય છે, શક્તિનો પર્યાય છે. આત્મબલનો પર્યાય છે.
ને આવું જિનપણું તમામને પ્રાપ્ત થતું નથી. તમામના ભાગ્યમાં એ હોતું નથી.
ब्रह्मविष्णुमहेशाद्या, आत्मैव हृदि बोधत ।
अत आत्मैव सज्जैनो, जिनेन्द्रो व्यक्तिशक्तितः ॥ २०९ ॥
માણસે આત્માને જ ઓળખવાની જરૂર છે. કારણ કે એ જેને બહાર શોધી રહ્યો છે, તે આત્મા જ છે. આત્મા જ સર્વ કાંઈ છે.
આત્મા બ્રહ્મા છે. આત્મા વિષ્ણુ છે. આત્મા મહેશ વગેરે છે. અને આ જ વાત જીવે હૃદયમાં ધારણ કરવી જોઈએ.
આત્મ દર્શન કરવું જોઈએ.
જીવ બહાર ભટકે છે, ભમે છે ને નિરર્થક શોધ ચલાવે છે, કારણ કે તે આત્મા વિષે અજ્ઞાનતા ધરાવે છે.
વ્યક્તિ શક્તિ વડે આ આત્મા જ જિનેન્દ્ર છે, એમ જાણવું. આત્માને ઓળખો. આત્માના સ્વરૂપને ઓળખો. આત્માની મહાનતા અને દિવ્યતાને પહેચાનો. આત્મ દર્શન કરો. આત્મદ્રષ્ટા બનો. જીવ જે દૈવીપણાની શોધ ચલાવે છે, તે આત્મા છે. આત્મા જ જિનેન્દ્ર છે. આત્મા જ પરમાત્મા છે.
૨૧૫
