________________
જ્ઞાનયોગીઓ સમજે છે. અધ્યાત્મયોગીઓ સમજે છે. આત્મસાધકો સમજે છે.
કારણ કે સાંકડા રસ્તા તેમણે ક્યારનાય છોડી દીધા હોય છે. વર્તુળની બહાર જઈને એ જોઈ શકે છે. -જાણી શકે છે. મહાવિદેહક્ષેત્ર.
અધ્યાત્મદ્રષ્ટિથી આ નામને જાણો.
સર્વ જીવોના શરીરને વિષે અસંખ્ય પ્રદેશો છે.
એમાં એક એટલે મહાવિદેહ. મહાવિદેહનું પ્રદેશાત્મક સક્ષેત્ર. એ સક્ષેત્ર છે. સત્યનું ક્ષેત્ર છે. એથી શ્રેષ્ઠ છે. પવિત્ર છે અને પુણ્યવંત છે. અધ્યાત્મદ્રષ્ટિનો ઉપયોગ મૂકીને મહાવિદેહ ક્ષેત્રને ઓળખો. એને પિછાણો.
વિદેહપણાની મહાભાવના જ્યાં સત્ય પ્રતિષ્ઠિત થઈ છે એવું ક્ષેત્ર. અને એ ક્ષેત્ર તે મહાવિદેહક્ષેત્ર.
देहेषु सन्ति वैदेहाज्ञानिनः सत्यनिर्भयाः । વિવેદું શુદ્ધવિત્ત તુ, જ્ઞાન વૈવેહિાં મહત્ ॥ ૧૦ ॥
જ્ઞાન અને ભય પરસ્પર વિરોધી છે.
સત્ય અને જ્ઞાન નિર્ભયતાનાં પરિણામી છે. જ્ઞાનીને વળી ભય શાનો ? જ્ઞાની તો નિર્ભય હોય છે. સત્ય બાબતમાં તેઓ સદૈવ નિર્ભીકપણું બતાવે છે. ભય અસત્યવાદીને હોય. ભય તો અજ્ઞાનીને હોય.
જ્યાં સત્ય છે, ત્યાં જ્ઞાન છે. અને જ્યાં જ્ઞાન છે, ત્યાં નિર્ભયતા છે. જ્ઞાની ભય પામતો નથી.
જ્ઞાની અસત્યનો પક્ષકાર બનતો નથી.
જ્ઞાની દેહવાળો છે છતાં વિદેહી છે. દેહભાવથી પર છે.
અ-દેહની સ્થિતિને અનુભવી શકે છે તે.
સત્ય, જ્ઞાન અને અભય. એ ત્રણે સમાન ધર્મી છે. એકમેકનાં પૂરક છે. એકમેકનાં પર્યાયવાચી છે.
અજ્ઞાન ભયનું કારણ છે.
અજ્ઞાની જ સત્ય કથનથી ભય પામે છે.
અજ્ઞાની જ દેહસ્વભાવી છે. દેહભાનથી યુક્ત છે. અ-દેહ કે વૈદેહની તે કલ્પના પણ કરી શકતો નથી.
જ્ઞાન શુદ્ધચિત્તનું કારણ છે. અથવા ચિત્ત્બુદ્ધિ જ્ઞાનનું સ્વરૂપ છે. વૈદેહી શુદ્ધ ચિત્તવાળો હોય છે. વિદેહીનું શુદ્ધ ચિત્ત એ જ મહત્ જ્ઞાન છે.
૧૨૬
