________________
આત્મા ધ્યાન કરવા યોગ્ય છે. માટે આત્માને જ ભજો.
આત્મારૂપ પરમાત્માને ત્યજી અન્ય કોઈ પરમાત્માની શોધ ન ચલાવો.
એ તો હૃદયમાં સ્થિત છે. તમારા જ હૃદયમાં રહેલો છે. એ આત્મા છે. ને એ જ પરમાત્મા છે. એ જ પરબ્રહ્મ જિનેન્દ્ર પ્રભુ
એ જ સચ્ચિદાનંદ સ્વરૂપ છે. આત્મા ધ્યાન કરવા યોગ્ય છે. આત્મા ભજવા યોગ્ય છે. આત્મા ચિંતવવા યોગ્ય છે. તત્ વં અસિ. તે જ પરમાત્મા તું છે. આત્મા જ પરમાત્મા છે. સત્ ચિત્ - આનંદસ્વરૂપ છે આત્મા. તે મહાન પ્રભુ છે.
પણ શરીર મિથ્યા છે. શરીર નાશવંત છે. અલ્પજીવી છે. ક્ષણ ભંગુર છે.
आत्मनः प्रतिमा नास्ति, विश्वं स्वप्नोपमं हदि। भासते यस्य सद्ब्रह्म, ज्ञानी जैनो भवेत् महान् ॥१३४॥ આત્મા આત્મા છે. આત્મા અતુલનીય છે. અનુપમેય છે. એની તુલના કોઈથી થઈ શકે તેમ નથી. આત્માને ઓળખવો અઘરો છે. આત્માને જાણવાનું કામ સહુ કરી શકે નહિં. આત્મા એ જ પરમાત્મા છે. મહાન પ્રભુ છે. પરબ્રહ્મ જિનેન્દ્ર છે.
જે જ્ઞાની છે, તે જ આ વાતને સારી રીતે અને સાચી રીતે સમજી શકે છે. અજ્ઞાનીનું આમાં કોઈ કામ નથી.
ને જે આ વાત સમજે છે, તે જ મહાન જ્ઞાની જૈન છે. શરીરની તુલના થઈ શકે. જગતના દરેક પદાર્થની તુલના થઈ શકે. પણ આત્માની તુલના ક્યારેય થઈ શકે નહિ. આવું કોણ જાણે? આવું કોણ સમજે? આવું ભાસમાન કોને થાય? આવી પ્રતીતિ કોને થાય? બધા આ વાત સમજી શકતા નથી.
આ જગતમાં અબજો માનવીઓ વસે છે. સંખ્યાતીત જીવો વસે છે. પણ બધા આ વાતને જાણવા તથા સમજવા માટે સક્ષમ બનતા નથી.
૧૫ ૨
