________________
ભલે તે કર્મ સકામ હોય અથવા નિષ્કામ હોય. પણ તેથી એને કોઈ ફેર પડતો નથી. કારણ કે તે જલકમલવત્ છે.
નિર્લેપ છે. સામ્યભાવી છે. સમાનધર્મી છે.
સર્વ દોષોમાં હોવા છતાં પણ તે નિર્દોષી એવો જીવન્મુક્ત કહેવાય છે. કારણ કે તે નિર્લેપ છે. સમભાવી છે.
सर्वपापेषु निष्पापो, निष्कामी सर्वकामिषु । समाऽऽत्मा सर्वजीवेषु क्रियावानपि निष्क्रियः ॥ १५९॥ આત્મા સર્વશક્તિમાન છે.
કોઈપણ દ્રષ્ટિ વડે જુઓ આત્મા અનંતાનંત નામવાળો છે. આત્માની અનંતતા અનુભવી શકાય છે.
એનો પાર પામી ન શકાય.
આત્મા પ્રભુ છે. આત્મા જ શ્રેષ્ઠ છે. શુદ્ધ છે. પવિત્ર છે. આત્મા જ પરમાત્મા છે. આત્મા જ પરબ્રહ્મ છે. સર્વ કર્મ કરવા છતાં તે લેપાતો નથી. આત્મા નિર્લેપ છે. માટે કહ્યું છે કે ચંચલ મનને નહિ આત્માને ઓળખો. આત્મા કર્મવાન છતાં નિષ્ક્રિય છે. નિષ્પાપ છે. નિર્લેપ છે. જલકમલવત્ છે.
સર્વ કર્મો તે કરે છે. સારાં - નરસાં બધાં જ કર્મો તે કરે છે, પણ તેમાં જરાય લેપાયા વગર.
તે સર્વ પ્રકારનાં પાપો કરવા છતાં પણ નિષ્પાપી છે.
પાપી નથી. પાપથી તે લેપાતો નથી.
સર્વ પ્રકારે કામી છે તે, છતાં પણ નિષ્કામી છે તે.
તે નિરપેક્ષ છે. નિર્લેપ છે.
સર્વ જીવો વિષે તે સમ છે. સમભાવી છે. સમભાવિત આત્મા છે. આત્માની તુલના કોઈથી થઈ શકે નહિ.
કારણ આત્મવાન જ પ્રભુ છે. આત્મવાન જ મહાન છે. ઉત્તમ છે.
શ્રેષ્ઠ છે.
આત્મા કર્મો તો જરૂર કરે છે, છતાં તે અકર્મક છે.
૧૭૫
