________________
તેઓ સર્વકાર્યોમાં સભ્યભાવ ધારણ કરે છે.
સમ્યક્ત્વને તેઓ પ્રધાનપણે ગ્રહણ કરે છે.
ને જ્યાં સમ્યક્ત્વ છે, ત્યાં જગતના પદાર્થો ભોગવવા છતાં જૈનો નિર્ભોક્તા બની રહે છે.
સાક્ષીભાવથી સર્વકર્મની યોગ્યતા જૈનોમાં છે. એમાંય વિશેષ કરીને તો આપત્તિકાળે આ યોગ્યતા વધુ ખીલી ઊઠે છે.
આપત્તિકાળે ધર્મરક્ષા એક મહત્ત્વની બાબત છે. મોટાભાગે ધર્મરક્ષા આવા સમયે છુટી જતી હોય છે. માણસ આપત્તિકાળે ધર્મરક્ષા માટે અસમર્થ બની જતો હોય છે. પણ જૈનોમાં આ ભાવના સવિશેષપણે રહેલી જોવા મળે છે. આપત્તિના સમયમાં - આપત્તિકાળે જૈનોમાં ધર્મરક્ષા કાજે સાક્ષીભાવથી સર્વકર્મની યોગ્યતા વિશેષપણે છે એમ જાણવું.
जैनसंघस्य रक्षार्थं, सर्वजातीयशक्तिभिः । વક્તવ્ય સર્વથા નૈને, વૈહાવીનાં વિસર્નનમ્ ॥ ૨૭૭ ।। આ વિશ્વમાં જૈનધર્મ સૌથી વધુ વિશિષ્ટ અને મહત્ત્વનો છે. એનાં સર્વ કીર્તિમાન ગૌરવશિખરો જગતમધ્યે આત્મસત્વના ચળકાટથી પ્રકાશી રહ્યાં છે.
આ સંસારમાં જૈની હોવું એ પણ પરમ સદ્ભાગ્યની વાત છે. જૈનો સમ્યદ્રષ્ટિવાળા હોય છે. કર્મ કરવા છતાં અકર્મક છે. સર્વ વાતોમાં તેઓ સમ્યદ્રષ્ટિનો વિનિયોગ કરી શકે છે. જૈનો. જૈનધર્મ. જૈનસંઘ.
જૈનસંઘો હંમેશાં જૈનધર્મની રક્ષા માટે કાર્ય કરે છે એટલું જ નહિ પણ ધર્મે સૂચવેલી નીતિઓ - સિદ્ધાન્તો પ્રમાણે કર્તવ્ય કરે છે. સૂક્ષ્માતિસૂક્ષ્મ અહિંસા, જીવદયા, ક્ષમાપણું અને સાધર્મિક વાત્સલ્યનું ધર્મ ચીંધ્યું કર્તવ્ય જૈનસંઘ કરે છે.
આવા જૈનસંઘની રક્ષા માટે તમામ જૈનોએ સર્વ પ્રકારની શક્તિઓથી ભોગ આપવો જોઈએ.
દ્રવ્યભોગ આપવો. સમયભોગ આપવો. શ્રમનો ભોગ આપવો. અન્ય સર્વકર્મો બાજુએ મૂકી જૈનસંઘની રક્ષા માટે ક્રિયાવંત બનવું જોઈએ. એ માટે તમામ પ્રકારની શક્તિઓને કામે લગાડવી જોઈએ.
૧૯૧
