________________
पापकर्माऽपि पुण्याय, निर्जरायै प्रजायते । ज्ञानिजैनसमूहस्य, संघधर्मस्य हेतवे ॥ १७१ ॥
જ્ઞાની જૈન હંમેશા શુભ આશયથી જ કાર્ય કરે છે. તેના માટે સમૂહ અને સંઘનું હિત જ મહત્ત્વના સ્થાને છે.
કર્મના બે પ્રકાર છે - પુણ્યકર્મ અને પાપકર્મ. પુણ્યકર્મ એટલે કે શુભકર્મ. પાપકર્મ એટલે અશુભકર્મ. અશુભ કર્મ વડે માણસ પાપ કરે છે. શુભકર્મ પુણ્યનું ભાથુ બાંધી આપે છે.
પણ જ્ઞાની જૈન ક્યારેક સમૂહના શુભ માટે તથા સંઘના શુભ માટે પાપકર્મ કરે છે, તો તે પુણ્ય તેમજ નિર્જરા માટે થાય છે એમ સમજવું.
તેના આ કર્મની પાછળ વિશાળ સમૂહનું હિત સમાયેલું છે.
તેનો હેતુ શુભ છે. તેનો આશય કોઈના અશુભ માટે નથી. માત્ર વિશાળ માનવ સમુદાયના શુભ માટે તેણે પાપકર્મ કર્યુ છે. આવું પાપકર્મ પુણ્ય તેમજ નિર્જરા માટે થાય છે એમ સમજવું.
सम्यग्दृष्टिमनुष्याणां, सम्यग्रूपतया जगत् । भासतेऽतो विरुद्धेऽपि, सम्यगरूपं विभासते ॥१७२ ॥ જેવી દ્રષ્ટિ તેવી સૃષ્ટિ.
ચમાના જેવા રંગના કાચમાંથી તમે જગતને નિહાળો છો એવા જ રંગનું જગત દેખાય છે.
સજ્જનને બધે સજ્જનો જ દેખાય. દુર્જનને જગતમાં ક્યાં સજ્જન ન દેખાય. સજ્જનને ક્યાંય દુર્જન ન દેખાય. જેવું મન, તેવું જગત. સારાને સારું દેખાય. ખરાબને ખરાબ જણાય. બૂરાઈની નજરે બધું બૂરું જ છે. ભલાઈની નજરે બધું ભલું જ છે.
બસ, આ જ વાત આ શ્લોકમાં બહુ જ સરસ રીતે કહેવામાં આવી છે. આમ તો આ શ્લોક એક સનાતન સત્ય રજુ કરી જાય છે.
જેવું જોવા માગતા હશો, તેવું દેખાશે.
૧૮૬
