________________
જ્ઞાન દર્શન આપે છે. જ્ઞાન સમજણ આપે છે. જ્ઞાન આવરણો હટાવે છે. જ્ઞાન અંધકારને ભેદે છે. ને જ્યાં જ્ઞાન છે, ત્યાં સમજણ છે. જ્ઞાન છે, ત્યાં આવરણ નથી. જ્ઞાન પારદર્શી છે. જ્ઞાનને કારણે પારદર્શિતા આવે છે,
જ્ઞાનીઓ બહુ ઓછા હોય છે કે જેઓ સમજી શકે કે આત્મા એ જ પરમાત્મા છે.
વિશ્વ તો સ્વપ્ન સમાન છે. સ્વપ્ન ક્યારે ઊડી જાય તે કહેવાય નહિ. સ્વપ્ન સત્ય નથી. સ્વપ્ન ક્ષણજીવી છે.. આંખ ખૂલતાં જ સ્વપ્ન નષ્ટ થઈ જાય છે. વિશ્વ - જગત - સંસાર સ્વપ્ન સમાન છે. ક્ષણજીવી છે. નાશવંત
આભાસી છે. પલકારામાં ઊડી જાય તેવું છે. વિશ્વના વિશ્વાસે ન રહી શકાય. વિશ્વના પદાર્થોને સાચા માની ન શકાય. જે દેખાય છે, તે સાચું નથી. ક્ષણિક અને નાશવંત છે. સૂતા પછી આવેલા સપના જેવું છે.
પણ જ્ઞાન વગરના જીવો એને સાચું માની લે છે. એ જ સત્ય છે એમ સમજી લે છે. મિથ્યાત્વમાં સત્યનું આરોપણ કરે છે.
જગત મિથ્યા છે. માયા મિથ્યા છે. ઈન્દ્રિયસુખો મિથ્યા છે. જે દેખાય છે, એ મિથ્યા છે. રાગાત્મક સુખો મિથ્યા છે. ભોગાત્મક સુખો મિથ્યા છે. ને જગત ભોગપ્રધાન છે. મિથ્યાત્વથી ભરેલું છે. તો પછી ભૂલી જાઓ એને. છોડો એની માયા. સત્યને છોડી મિથ્યાને કોણ પકડે? સત્ય આત્મા છે. સ્વ - આત્મા જ પરમાત્મા છે. તે સત્ય અને શાશ્વત છે. તો પછી આત્માને જ ઓળખો. એને જ ભજો. તે તું છે. આત્મા જ પરમાત્મા છે. તે જ સત્ય અને સચ્ચિદાનંદ છે. કાયમી છે, તેથી આત્માની તુલના કોઈથી થઈ શકે નહિ.
બસ, આવું જેને ભાયમાન થાય છે, આવું જ જાણે છે, આવી જેને પ્રતીતિ થાય છે, આવું જેને જ્ઞાન છે, તે જ મહાન જ્ઞાની જૈન છે.
૧૫૩
