________________
મનની શક્તિનો વિકાસ શી રીતે જાય? વાણીની શક્તિઓનો વિકાસ શી રીતે શક્ય બને?
એ માટે જરૂર છે માત્ર આત્મજ્ઞાનની. કારણ કે આત્મજ્ઞાન પરાર્થનું સાધક છે. તેમ સ્વ-અર્થનું પણ સાધક છે.
આવા આત્મજ્ઞાનનું શિક્ષણ મેળવવાથી મન, વચન અને કાયાની શક્તિઓનો સર્વ પ્રકારી વિકાસ શક્ય બને છે.
આત્મજ્ઞાન પ્રેરક બને છે. આત્મજ્ઞાન તેને આગળ વધારે છે. આત્મજ્ઞાનથી કોઈ જ્ઞાન ભિન્ન નથી.
આત્મજ્ઞાનનું સુશિક્ષણ મેળવવાથી તમામ પ્રકારની શક્તિઓનો વિકાસ શક્ય બને છે.
આત્મજ્ઞાન પરાર્થનું સાધક છે. સ્વાર્થનું પણ સાધક છે.
તો પછી આવા અનોખા, અનુપમ અને સર્વહિતકારી આત્મજ્ઞાનનું સુશિક્ષણ કેમ ન મેળવવું?
आत्मज्ञानस्य लाभेन, जैना जयन्ति भूतले । आन्तरानेकलब्धीनां, प्राप्तिस्तेन प्रजायते ॥१३१ ॥ જે આત્મજ્ઞાન મેળવે છે, તે વિજયી બને છે.
આ વિશ્વમાં જય મેળવનારા જૈનો માટે તેમ બને છે, કારણ કે તેમને આત્મજ્ઞાનની પ્રાપ્તિ થઈ હોય છે.
આત્માને ઓળખનારા કેટલા? આત્માને જાણનારા કેટલા? આત્માનું જ્ઞાન મેળવનારા કેટલા? આ વિશ્વ તો બહુ વિશાળ છે. ચોખંડ ધરતી માનવ સમૂહોથી ઉભરાય છે. સૌ પોતપોતાની રીતે આગળ વધવા માગે છે. જેનો આત્મજ્ઞાનની પ્રાપ્તિ કરે છે. અને તેથી આ વિશ્વમાં તેઓ વિજયવંત બને છે. જગતમાં જય પ્રાપ્ત કરે છે. આત્મજ્ઞાની જ સાચો વિજેતા છે. આત્મજ્ઞાન વગરનાં તમામ જ્ઞાન ફિક્કો અને વામણાં છે. - જેનો આ વાત જાણે છે. સાધુ ભગવંતો આ વાત જાણે છે.
૧૪૯
