________________
મોહ વિહીન. રાગ વિહીન. આવો બ્રહ્મજ્ઞ જ સત્ય જૈનત્વને પામી શકે છે. જૈનત્વને પામવું સરળ નથી. જૈનત્વ સર્વોત્તમ ગુણોનો પર્યાય છે. રાગવિહીન, મોહમુક્ત સ્થિતિનો ચિરંતન સંદર્ભ એટલે જૈનત્વ. સત્ય જૈનત્વની વાત છે. કહેવાતા જૈનત્વની નહિ. સાચા જૈનત્વની.
અને સત્ય જૈનત્વને પામેલા બ્રહ્મજ્ઞો જ આ વિશ્વને પાવન કરનાર જિનો - પરમાત્માઓ બની શકે છે!
પણ એની પૂર્વ શરત છે મોહમુક્તિ. રાગમુક્તિ. એની મહત્ત્વની શરત છે સત્ય જૈનત્વની પ્રાપ્તિ. मनुष्यदेहसद्गेहे, प्रभुराऽऽत्माऽस्ति शक्तिमान् । ज्ञानमेव प्रधानोऽस्ति, विवेकः कार्यवाहकः ॥११९ ॥ દેહ... અને આત્મા.......! મનુષ્યનો દેહ ગૃહ છે. અને એમાં વસે છે સર્વશક્તિમાનુ આત્મા. આ આત્મા જ પ્રભુ છે.
આત્મા વિનાના દેહનો કોઈ અર્થ નથી. આત્મા જ દેહને પ્રેરે છે. દેહને મૂલ્યવાન બનાવે છે.
આત્મા શક્તિમાન છે. આત્મા વિનાના દેહની કોઈ શક્તિ નથી. દેહ એ આત્મા નથી. દેહમાં વસે છે આત્મા. દેહ વસ્ત્ર છે. દેહ ગતિ કરે છે અને તેનાથી આવૃત્ત છે આત્મા. આત્મા એને ચલાવનાર છે. જેમ ફૂલમાં સુગંધ છે, સૂર્યમાં તેજ છે, તેમ શરીરમાં આત્મા છે. આત્મા મહાસામર્થ્યવાન છે, સર્વ શક્તિમાન છે. એની શક્તિને મર્યાદા નથી. એની શક્તિનો કોઈ પાર નથી.
અને આ મહાશક્તિમાન આત્મા જ પ્રભુ છે, એવું વિવેકપૂર્ણ અને કાર્યકારક જ્ઞાન જ મુખ્ય જ્ઞાન છે.
૧૩૬
