________________
शस्त्रेण छिद्यते नाऽऽत्मा, दह्यते न च वह्निना। वारिणा प्लाव्यते नैव, शुष्यते न च वायुना ॥५८॥
શ્રી નેમિનાથ પ્રભુ દ્વારિકાપુરીમાં પધાર્યા છે અને શ્રીકૃષ્ણ વાસુદેવને પ્રતિબોધ પમાડી રહ્યા છે.
શ્રી જગત્મભુ આત્માનું સ્વરૂપ સમજાવતાં કહે છે કેઆત્માને જગતભાવો કોઈ પણ જાતની અસર કરવા માટે સમર્થ
નથી.
આત્મા અછેદ્ય છે. તે કોઈ શસ્ત્ર વડે છેદતો નથી. શસ્ત્રો તેવી આગળ બિનપ્રભાવક બની જાય છે. વળી આત્માને અગ્નિ બાળી શકતો નથી. આત્મા અદાહ્ય છે.
પાવકએને પ્રજાળી શકતો નથી. અગ્નિ એને દઝાડી કેબાળી શકતો નથી. ભસ્મીભૂત કરી શકતો નથી.
આત્મા ઉપર અગ્નિની કોઈ જ અસર થતી નથી. પાવક અર્થાત્ અગ્નિ એનું દહન કરવાને અસમર્થ છે. વળી તે જળ વડે ભીંજાતો નથી. પાણી એને પલાળી શકતું નથી. પાણી આત્મા માટે બિનપ્રભાવક છે.
વળી પવન પણ તેને કોઈ અસર કરી શકતો નથી. આત્મા પવન વડે શોષાતો નથી.
આત્માને આ પ્રકારે જાણો. जातस्य जायते नाश, आत्मा जातो न कहिचित् । आत्मनो न भवेन्मृत्यु, देहादेस्तं निबोधतः ॥५९॥
શ્રી નેમિનાથ જગત્મભુ દ્વારિકાપુરીમાં પધાર્યા છે. તેઓ શ્રી કૃષ્ણ વાસુદેવને પ્રતિબોધ પમાડવા અત્રે પધાર્યા છે. પ્રભુનું આગમન ઊર્ધ્વ હેતુથી પૂર્ણ છે.
આ જગતમાં ઉત્પત્તિ અને લય એકમેક સાથે અવશ્યમેવ સંકળાયેલાં છે. જેની ઉત્પત્તિ છે, એનો લય પણ જરૂર છે.
જેનો જન્મ છે, તેનું મૃત્યુ પણ નિશ્ચિત છે. જે ખીલે છે, તે ખરી પણ જાય છે.
