________________
ને કર્મનો કચ્ચરઘાણ વળી જતાં આત્મા વડે જ આત્માની મુક્તિ
થાય છે.
આમ આત્મા સર્વ તબક્કે કર્તા સ્થાને રહેલો છે.
કરનાર પણ આત્મા. ભોગવનાર પણ આત્મા. ને મુક્તિ પામનાર
પણ આત્મા.
આમ આત્મા સર્વ સ્થાને, સર્વ તબક્કે કેન્દ્ર સ્થાને રહેલો છે. આત્મા જ બંધાય છે. આત્મા જ મુક્ત થાય છે. અને તે પણ આત્મા
વડે જ. આત્મા થકી ઉત્પન્ન થયેલાં કર્મો આત્મા વડે જ ભોગવાય અને આત્મા વડે જ તે નષ્ટ થાય, ત્યારે આત્મા જ આત્મા વડે કર્મ મુક્ત થાય છે. આત્મા જ મુક્તિ પામે છે.
આત્મા જ મોક્ષને પ્રાપ્ત થાય છે. આત્મા જ શાશ્વત કાળ પર્યન્ત આત્મત્વમાં સ્થિર થાય છે.
शुद्धाऽऽत्मा स्वर्गधामा ऽस्ति, दुष्टाऽऽत्मा श्वभ्रमाप्नुयात् । शुद्धात्मा मोक्षरूपोऽस्ति यद्योग्यं तत्समाचर ॥ ८४ ॥ જગત્પ્રભુ આત્મા અંગે વિશેષ ભાવે છણાવટ કરીને પ્રતિબોધ પમાડે
છે.
શ્રી કૃષ્ણ વાસુદેવ દ્વારિકાપુરીના રાજા છે ને તેમને પ્રતિબોધિત કરવા શ્રી નેમિનાથ જિનેન્દ્ર પધાર્યા છે.
જગત્પ્રભુ શુદ્ધાત્માની ગતિ સમજાવે છે.
શુભ ઉપયોગી આત્મા શુભ કર્મો કરે છે. શુભ ક્રિયા વડે તે પુણ્યનો સંચય કરે છે.
કારણ કે શુભોપયોગી છે. તેથી શુભ છે. દોષ રહિત છે. કલ્યાણકારી
છે.
શુભ ઉપયોગી આત્મા હંમેશાં શુભ માર્ગનો યાત્રી હોય છે. તેથી તે સ્વર્ગ ગતિને પામે છે.
સ્વર્ગ અને નરક. બંને આત્માની શુદ્ધતા અને અશુદ્ધતા ઉપર જ
નિર્ભર છે.
શુદ્ધાત્મા અને દુષ્ટાત્મા.
૯૨
