________________
વાણી કલ્યાણકર હોવી જોઈએ.
પાણી તરસ છીપાવે. કોઈનો મેલ ધુએ.
વાણી પણ જ્ઞાનતૃષા છીપાવે. મનની મલિનતા ધોઈ નાંખે. નહિતર- પાણી ઢોળાઈ જાય. વાણી વિખેરાઈ જાય.
શ્રી નેમિનાથ જિનેન્દ્રની વાણી જગત માટે કલ્યાણકારી છે. શ્રી કૃષ્ણ વાસુદેવ દ્વારિકાપુરીના રાજા છે. શ્રી નેમિનાથ જિનેન્દ્ર દ્વારિકાપુરીમાં શ્રી કૃષ્ણ વાસુદેવને પ્રતિબોધિત કરવા માટે પધાર્યા છે, જ્ઞાનનો પ્રકાશ ફેલાવવા પધાર્યા છે.
તેઓ જ્ઞાનસિદ્ધાત્મા વિષે વાત કરે છે.
નિષ્ક્રિય એવા જ્ઞાનસિદ્ધાત્મા જગતના જડ પદાર્થોમાં લેપાયમાન કદી પણ થતો નથી. જોકે જગતના મોહક જડ પદાર્થો ચિત્તાકર્ષક રૂપ ધારણ કરીને આત્માને લેપવા માટે સદૈવ તત્પર જ હોય છે.
પણ નિષ્ક્રિયજ્ઞાનસિદ્ધાત્મા આવી જડ વસ્તુઓમાં લેપાયમાન થતો નથી. પરંતુ પુદ્ગલ સ્કંધનો યોગ થાય છે, તેથી આવી જડ વસ્તુઓમાં માત્ર પૌદ્ગલિક સ્કંધ જ લેપાય છે.
નિષ્ક્રિય જ્ઞાન સિદ્ધાત્મા નહિ.
भावनाज्ञानयुक्ताऽऽत्मा, क्रियासु नैव लिप्यते । आसक्तो निष्क्रियः सोऽपि, लिप्यते कर्मपुद्गलैः ॥ ८८ ॥
શ્રી નેમિનાથ જિનેન્દ્રના તમામ ઉપદેશ શુભ અને કલ્યાણકારી છે. એમનું આગમન પણ શુભંકર જ હોય.
દ્વારિકાપુરીમાં શ્રી કૃષ્ણ વાસુદેવ રાજા છે. તેમને પ્રતિબોધ પમાડવા માટે શ્રી નેમિનાથ પ્રભુ દ્વારિકાપુરીમાં પધાર્યા છે. તેઓ શ્રી કૃષ્ણ વાસુદેવને પ્રતિબોધિત કરી રહ્યા છે.
તેઓ આત્મા તથા કર્મ સહિત અનેક ગૂઢ બાબતોનો બોધ શ્રી કૃષ્ણ વાસુદેવને આપી રહ્યા છે.
ભાવના હોય. જ્ઞાન હોય. તો આવો આત્મા ક્યારેય પણ ક્રિયાઓમાં લેપાતો નથી.
જ્યાં ભાવના નથી તથા જ્ઞાન શૂન્યતા પ્રવર્તે છે, ત્યાં મનુષ્ય ક્રિયાઓમાં લેપાય છે અને કર્મોના બંધનમાં બંધાય છે.
૯૬
