________________
દરેક જીવાત્માની એક મહેચ્છા હોય છે - પરમ પદની પ્રાપ્તિની, મોક્ષની, મુક્તિની!
પણ પ્રાપ્તિના માર્ગ આડે આવે છે મોહ. મોહ જાણે માર્ગનો અવરોધ છે. સ્પીડ બ્રેકર છે. બમ્પ છે. તેથી ગતિ અવરોધાય છે. અંતરાય રૂપ મોહ તેને અવળી ગતિમાં લઈ જાય છે.
જીવની સાચી અને ઊંડી ઈચ્છા તો છે પરમ પદની પ્રાપ્તિની.
પણ પરમ પદ ભણી લઈ જનારા માર્ગ આડે આવે છે મોહ. મોહ મીઠો અંતરાય છે.
તત્ત્વજ્ઞાનને કારણે મોહનો નાશ થાય છે ને જીવોને પરમ પદની પ્રાપ્તિ થાય છે.
कर्मप्रभोनियंताऽस्ति, शुद्धाऽऽत्मैव महाप्रभुः । कर्मतोऽनंतसामर्थ्य , शुद्धाऽऽत्मपरमाऽऽत्मनः ॥३८॥ કર્મરૂપ રાજાનો નિયતા કોણ છે? નિયંતા છે શુદ્ધાત્મા મહાપ્રભુ.
કર્મરાજા અનંત બલશાલી છે. સર્વત્ર કર્મ રાજાના સામર્થ્યનો જ પ્રભાવ રહેલો છે. પણ આવા મહા બલવાન કર્મ રાજાનો નિયંતા છે શુદ્ધાત્મા મહાપ્રભુ.
કર્મનું સામર્થ્ય અપરંપાર છે. કર્મ વિના કશું જ બનતું નથી.
આ વિશ્વમાં જીવાત્માઓ જે કંઈ પ્રવૃત્તિ ક્ષણે ક્ષણે કરી રહ્યા છે, તે બધું જ કર્મના પ્રભાવને કારણે.
જીવાત્માઓ જે સુખ દુઃખનો અનુભવ કરી રહ્યા છે, તે પણ કર્મ રાજાના પ્રભાવને કારણે આ જગતનો કોઈપણ જીવ કર્મરાજાની સત્તાનો અનાદર ન કરી શકે.
કર્મ સત્તા સર્વોપરિ છે. કર્મ પ્રભાવ સર્વત્ર સર્વદા છે.
કર્મ રાજાએ ફટકારેલ સજા કે દંડમાંથી કોઈ બચી શકતું નથી. ગમે ત્યાં જાવ, ગમે ત્યાં સંતાઈ જાવ પણ કર્મ રાજાના આદેશથી બચી શકાય નહિ.
આવો છે પ્રભાવ કર્મરાજાનો. આવી વિશાળ સત્તા છે કર્મરાજાની
પણ આવા અપાર અસીમ સત્તાના સ્વામી એવા કર્મરાજાનોનિયંતા છે શુદ્ધાત્મા મહાપ્રભુ.
શુદ્ધાત્મારૂપ પરમાત્માનું અનંતાનંત સામર્થ્ય રહેલું છે. કર્મના સામ કરતાં શુદ્ધાત્મારૂપ પરમાત્માનું અનંતગણું સામર્થ્ય રહેલું છે.
(૩૯
