________________
પણ કર્મથી તે છુટી શકતો નથી.
કર્મ શુભ પણ હોય અને અશુભ પણ હોય પણ તેના બંધનથી બંધાયેલો હોવાથી તેણે તેનું ફળ ભોગવવું જ પડે છે.
કોઈ છટકી શકતું નથી. કોઈ બચી શકતું નથી. કોઈ ઉગરી શકતું નથી. કર્મ સત્તા મહા બળવાન છે.
કર્મના ફાંસલામાંથી બચેલો આજ સુધી કોઈ જાણ્યો નથી.
કારણ કે કર્મની પ્રબળ સત્તા હેઠળ આવેલો જીવ ક્યાંય છુપાઈ શકતો નથી, જાતને આવત્ત રાખી શકતો નથી અથવા કર્મ ફળથી પોતાને સુરક્ષિત રાખી શકતો નથી. જ કર્મ જ ઈશ્વર છે. ને ઈશ્વર રૂપી કર્મ ક્યારેય કોઈને છોડતું નથી. એ સર્વ શક્તિમાન છે.
સર્વ સ્થળે એની સત્તા ચાલે છે. કર્મ સત્તા અતિભારી.
એમાં કોઈની લાગવગ કે શેહશરમ ચાલતી નથી. એની પકડમાં જે આવે છે, તેને સજા, દંડ કે યોગ્ય ફળ ભોગવ્યે જ છુટકો. ઈચ્છા હોય કે ન હોય, ગમતું હોય કે ન ગમતું હોય પણ ભોગવવું જ પડે.
એમાં માણસની મરજી ચાલતી નથી. માણસની ઈચ્છા ચાલતી નથી. માણસની સત્તા ચાલતી નથી.
કર્મરૂપી ઈશ્વરનો ન્યાયી હુકમ છૂટ્યા પછી એ જ સમયે અને એ જ સ્થળે તે બજ્યા વગર રહેતો નથી.
કર્મને ન હોય કોઈની શર્મ.
કર્મને નહોય લાગવગ કે ઓળખાણ. અફર અને અટલનિયમ છે કર્મનો!
એના હુકમની અવગણના થઈ શકે નહિં. તેનો અનાદર ન થઈ શકે. એની સામે દલીલ ન થઈ શકે. બચાવ ન થઈ શકે. કારણ કે આમાં બચાવનામાનો કોઈ અવકાશ નથી. શુભ કર્મ કર્યું છે, તો એનું સુફળ ભોગવો. અશુભ કર્મ કર્યું છે ને પાપ બાંધ્યું છે, તો એની સજા પણ ભોગવો.
એમાં ઈચ્છા હોય કે ન હોય, મરજી હોય કે ન હોય પણ ભોગવવાનું એટલે ભોગવવાનું ! ભાગી ન શકાય, બચી ન શકાય, એના આદેશને તાબે થઈ જવાનું!
એનો ઉપયોગ કરી લેવો પડે. અંતર્મુખ ઉપયોગથી સર્વ કર્મનો ક્ષય થાય છે. માટે અન્તર્મુખી બનો. અન્તર્દષ્ટિ પામો. આન્તર્યાત્રા કરો.
૨૭
