________________
સૌમ્યભાવે એ આત્મા - પરમાત્માની વાત સમજાવે. જગત કલ્યાણની વાત કરે.
સાધુઓ સિદ્ધો જરૂર છે. પણ સર્વ વિશ્વમાં જે સાત્ત્વિક સાધુઓ છે, તે જ મહાસિદ્ધ છે, એમ જાણવું.
સત્ત્વ ગુણ જ મનુષ્યની જેમ સાધુને પણ મહાનતા બક્ષે છે, મહાન બનાવે છે.
જૈન સાધુઓમાં સાત્ત્વિકતાનો ગુણ પ્રધાનપણે જોવા મળે છે. સત્ત્વગુણને ગ્રહણ કર્યા પછી સાધુ આત્મસાધનાને જીવન ધ્યેય બનાવે તો તે જરૂર મુક્તિ માર્ગે આગળ ધપી શકે.
આવા સાત્ત્વિક ગુણવાળો સાધુ જ સ્વશક્તિ વડે વિશ્વનો તારક બની શકે છે.
વિશ્વઉદ્ધારક અને જગત કલ્યાણકર જૈન સાધુઓ અને આચાર્યો સત્ત્વગુણની પ્રધાનતાને કારણે જ ઉચ્ચ સ્થાને બિરાજમાન થઈ શક્યા
છે.
आध्यात्मिकं बलं श्रेष्ठं, जडसत्ता बलादपि । आत्मसत्ताबलस्याग्रे, जडसत्ता न तिष्ठति ॥ ३३ ॥
સત્તા બલમાં જડસત્તાનાં બલ કરતાં આધ્યાત્મિક બલ સાચે જ
શ્રેષ્ઠ છે.
જગતમાં વ્યાપક જડસત્તાઓ પશુતાના પડોશી સમાન છે ને કેવળ મનુષ્યના શરીર સુધી એમનું બલ પહોંચી શકે છે.
રાજસત્તા દંડ કરી શકે છે, સજા કરી શકે છે અને માણસ રાજ સત્તાના બલથી ડરી પણ જાય છે. પણ મનુષ્યના મનમાં ડર પેદા કરે એ સત્તા કેટલે સુધી ? આવી સત્તાની પાછળ તેની બૂરાઈ જ થતી હોય છે. સૈનિક બલ કે શસ્ત્ર બલ માણસને ભયગ્રસ્ત બનાવી દે છે પણ તેની સત્તા માનવીના મન સુધી ક્યાં પહોંચે છે ?
માનવીનું મન આવી સત્તાઓને સ્વીકારતું નથી. આવા બલનો તે અનાદર કરે છે.
મનને પોતાનું બનાવે, તે જ સાચી સત્તા.
તે જ મહાન સત્તા. તે જ શ્રેષ્ઠ સત્તા. અને તે જ શ્રેષ્ઠ બલ. અને તેથી જ કહ્યું છે કે, આધ્યાત્મિક બલ જ શ્રેષ્ઠ છે.
૩૩
