Dravya Gun Paryayno Ras Dravyanuyog Paramarsh Part 05

Author(s): Yashovijay
Publisher: Shreyaskar Andheri Gujarati Jain Sangh

Page 17

• પ્રસ્તાવના :
13
છે. એના વિના ચારેય અનુયોગ વ્યર્થપ્રાયઃ બની રહે છે. એનો અનોખો સંવેધ આધ્યાત્મિક ઉપનય દ્વારા કરવાનો કર્ણિકાકારે સુંદરતમ પ્રયાસ કર્યો છે. અને તેમાં તેમણે સફળતા પણ પ્રાપ્ત કરી છે.
સંસ્કૃતની આ કૃતિને વધુ આદરણીય બનાવશે તેનું ગુજરાતી વિવેચન ! ગુર્જરવિવેચનકારની પાસે હંમેશા બે તકાદા હોય છે – (૧) મૂળ ગ્રંથનું અક્ષરશઃ વિવેચન કરવું, અને સાથે (૨) વિવેચનને પ્રવાહી અને રસાળ રાખવું. આમાંથી એકને પકડવા જતા લગભગ બીજું છૂટી જતું હોય છે. પણ, આ ગુર્જરવિવેચન વાંચનારને ખાતરી થશે કે આમાં બન્ને વાત ખૂબ જ સારી રીતે જળવાઈ રહી છે. એકલું ગુજરાતી વિવેચન વાંચશો તો લાગશે કે એક સ્વતંત્ર ગુજરાતી ગ્રંથ તમે વાંચી રહ્યા છો. અને જ્યારે સંસ્કૃતવિવેચનની સાથે તુલના કરશો તો લાગશે કે આ શબ્દોમાં સંસ્કૃતના પદે પદનો અર્થ પોતાના “મોભા પ્રમાણે ગોઠવાઈ ગયો છે.
આ ગ્રંથરાજ બાલ, યુવા અને પ્રૌઢ - ત્રણે ય દશામાં વહેંચાયેલો છે. દરેક ગાથાનો સામાન્યથી અર્થ સૌ પ્રથમ આપવામાં આવેલ છે. જે ગ્રંથની બાલદશા કહી શકાય. ત્યાર બાદ તર્કનું તોફાન શરૂ થાય છે. પૂર્વપક્ષ રજૂ કરેલા તર્કોની સામે ટકરાવ કરતો આ ગ્રંથરાજ ત્યારે યુવાદશાને પ્રાપ્ત કરે છે અને અંતે આધ્યાત્મિક ઉપનય રૂપે આ ગ્રંથરાજ પ્રૌઢાવસ્થામાં આવી જાય છે.
વિશેષ તો શું કહું? કેટલું કહું? વિરાટ ગ્રંથરાજ તમારી પાસે જ છે. ભાવનાથી ભીના હૈયે, હૃદયથી ઉમિલ નમસ્કાર કરી ગ્રંથરાજને માણવાનું શરૂ કરજો. પહેલાં તીવ્ર આત્માર્થિતા પ્રાપ્ત કરી પ્રબળ તૃષા પ્રગટાવજો. પ્રબળ તૃષા, ઘેલી તૃષ્ણા, અનેરી આકાંક્ષા, તીવ્ર અભીપ્સા... વધુ ને વધુ, વધુ ને વધુ માત્રામાં જગાડો અને પછી પાનું ફેરવી ઘૂંટડે ઘૂંટડે “ચાવી-ચાવી', મમળાવી-મમળાવી એક એક શીતલ અમૃતના ઘૂંટડા આત્મામાં ઉતારજો..... અનેરી શીતલતા, અજબ-ગજબની શાંતિ, અપૂર્વ શુદ્ધિ, અલૌકિક જ્ઞાનાનંદ અને અનુપમ ઠંડક આત્માના પ્રદેશ-પ્રદેશે વ્યાપ્ત થઈ જશે. દોષદાહથી સંતમને જાણે તૃપ્તિનો સંતોષ થશે.
“હે ગ્રંથરાજ ! આ તૃપ્તિ અમારે માણવી છે. આ તૃપ્તિને સાંભળી તો ઘણી વાર. પણ હવે એને સંવેદવી છે. આ તૃપ્તિની તૃષા પ્રગટી છે, સ્વાનુભૂતિની પ્યાસ પ્રગટી છે. અનુગ્રહ કરજે અમારા ઉપર ! કચાશ ના રાખતો..” - આ ગ્રંથરાજના ચરણે આ ભાવભીની પ્રાર્થના સાથે અંતરના અનંતશઃ વંદન....!!!
વિ.સં. ૨૦૬૮ આસો સુદ-૭ તા.૨૧-૧૦-૨૦૧૨ રવિવાર ભુજ (કચ્છ).
3 ...... લિ. પરમ પૂજ્ય પરમારાથ્યપાદ ભવોદધિતારક પંન્યાસ પ્રવર શ્રીયશોવિજયજી મહારાજના ચરણકર્ણિકાની સુવાસમાં મગ્ન રહેવા
માશુક ભ્રમર મુનિ ભક્તિયશવિજય