________________
વૈયાવચ્ચ કરે છે.
બાપ કરતાં બેટા સવાયા એ ઉક્તિ મુજબ તેમના બે સંતાનો પૈકી નાના સુપુત્ર સુરેશકુમાર પૂર્વ જન્મનો કોઇ યોગભ્રષ્ટ આત્મા હોય તેમ ૩૨ વર્ષની ભર યુવાવસ્થામાં પણ સંસારના વાતાવરણથી નિર્લેપ રહીને બ્રહ્મચારી અને અંતર્મુખ જીવન જીવી રહેલ છે. કુંડલિની શક્તિના જાગરણથી સહજ કવિત્વ શક્તિ તેમને વરેલી છે. સુદંર ગઝલો તથા કાવ્યો બનાવે છે. તેઓ પણ કલાકો સુધી સહજ સ્ફુરણાથી આધ્યાત્મિક વાર્તાલાપ આપી શકે છે.
આવા આત્માઓની આધ્યાત્મિક શક્તિઓનો સકળ શ્રીસંઘને લાભ મળે તે માટે સાધન સંપન્ન સુશ્રાવકોએ તેમની ઉચિત રીતે સાધર્મિક ભક્તિ કરવી જોઇએ. સુજ્ઞેયુ કિં બહુના? ચાલો આપણે અંગ્રેજી ભાષામાં તેમની આધ્યાત્મિક સાધનાની અનુમોદના કરીએ [G....o....0....d = ગુડ..ગુડ..ગુડ..!!]
(૨૧)
ગ્રેજ્યુએટ થયેલા આંધ્રના બ્રાહ્મણ
પ્રો. પી.પી. રાવની જૈન ધર્મ પર દૃઢ શ્રધ્ધા
આંધ્રમાં બ્રાહ્મણ કુળમાં જન્મેલા અને કુલપરંપરાગત વૈષ્ણવ ધર્મ પાળતા શ્રી પી.પી.રાવ(ઉ.વ.૬૫) જૂના જમાનામાં સારો અભ્યાસ કરી ગ્રેજ્યુએટ થયેલા છે.તેમને પહેલેથી વાંચનનો ઘણો શોખ છે. જિજ્ઞાસુ અને સંશોધક વૃત્તિના હોવાથી તેમણે ઘણા ધર્મો અને દર્શનો વિષે પુષ્કળ સાહિત્ય વાચ્યું હતું પરંતુ તેમને જોઇએ તેવો સંતોષ થતો ન હતો. દરેક ઠેકાણે કંઇને કંઇક ઓછપ-અધૂરાશ જણાયા કરતી હતી.
રીટાયર થયા પછી જૈન શ્રાવકની પેઢીમાં રહેતાં જૈનોના આચાર - વિચાર તરફ આકર્ષાયા. ખૂબ જિજ્ઞાસાપૂર્વક જૈન ધર્મના દરેક વિધિ નિષેધ અંગે ઝીણવટભરી રીતે અનેક પ્રશ્નો પૂછીને પોતાના મનનું સમાધાન મેળવવા લાગ્યા.
૪૧
