________________
પ્રકાશકીય
અમારા પૂજ્ય માતુશ્રી કસ્તૂરબાઈ તથા પિતાશ્રી બાબુભાઈ ઊર્ફે કુંવરજી જેઠાભાઈ, જેમણે અમારામાં સુસંસ્કારોના બીજ રોપ્યા, ધર્મ પ્રત્યેની શ્રદ્ધા જગાવી, ધર્મમય જીવન જીવવાની પ્રેરણા આપી તેમના અમારા ઉપર ખૂબ જ ઉપકારો છે. એમના ઉપકારોનું ૠણ યત્કિંચિત્ અંશે પણ અદા કરવા માટે ઘણા સમયથી અમારા હૈયામાં એવી ભાવના રહ્યા કરતી હતી કે સમ્યક્ત્તાનના પુસ્તકોનું સુવ્યવસ્થિત રીતે પ્રકાશન-પ્રસારણ માટે એક પ્રકાશન ટ્રસ્ટની સ્થાપના કરવી. એ ટ્રસ્ટને અમારા પૂજ્ય માતુશ્રીના નામ સાથે જોડવું. અને એના અન્વયે અચલગચ્છીય તમામ સાધુ-સાધ્વીજી ભગવંતો દ્વારા લિખિત-સંપાદિત પુસ્તકોનું પ્રકાશન તથા વ્યવસ્થિત વિતરણ કરવું.
અમારી આ ભાવના પરમોપકારી, શાસનસમ્રાટ, ભારતદિવાકર, અચલગચ્છાધિપતિ પ. પૂ. આ. ભ. શ્રી ગુણસાગરસૂરીશ્વરજી મ. સા. આગળ રજૂ કરતાં તેઓશ્રીની સાનંદ અનુમતિ તથા આશીર્વાદ સાંપડતાં અમારા ઉત્સાહમાં અભિવૃદ્ધિ થઇ, અને તેની ફલશ્રુતિ સ્વરૂપે સં. ૨૦૪૪ના અક્ષય તૃતીયાના શુભ દિવસે સ્થપાયેલ શ્રી કસ્તૂર પ્રકાશન ટ્રસ્ટ તરફથી અત્યાર સુધીમાં છપાયેલ સાહિત્યની યાદી આ પુસ્તકમાં અન્યત્ર આપવામાં આવી છે. તેમાં આગમાભ્યાસી પૂ. ગણિવર્ય શ્રી મહોદયસાગરજી મ. સા. દ્વારા સંયોજિત સંપાદિત ‘‘બહુરત્ના વસુંધરા - ચાલો અનુમોદના કરીએ'' (ભાગ-૨) નામના પ્રસ્તુત પુસ્તકનો ઉમેરો કરતાં અમે અત્યંત આનંદ અનુભવીએ છીએ.
ટૂંક સમયમાં જ તેનો ત્રીજો ભાગ પણ પ્રકાશિત કરવાની અમારી ભાવના છે.
પૂ. ગણિવર્યશ્રી દ્વારા સંપાદિત “જેના હૈયે શ્રી નવકાર તેને કરશે શું સંસાર ?'' પુસ્તકની માફક આ પુસ્તક પણ અત્યંત લોકોપયોગી બનશે તેમાં શંકાને સ્થાન નથી જ.
રૂ. ૧૦૦૧ આપીને જેઓ અમારા ટ્રસ્ટના કાયમી સભ્યો બનશે તેમને ટ્રસ્ટ દ્વારા પ્રકાશિત થનાર દરેક પુસ્તકો પોસ્ટ દ્વારા ભેટ મોકલાવવાની અમારી યોજના છે. આશા છે કે પૂજ્યોની કૃપાથી તથા આપ સહુના સાથ સહકારથી અમારી શુભ ભાવના સુંદર રીતે પાર પડશે જ.
:૨૪:
