________________
૨૫: નવકાર મહામંત્રના બળે કેન્સરને કેન્સલ કરાવતા ધીરજલાલભાઈ ખીમજી ગંગર
અનાદિકાલીન મહા ભયંકર ભવરોગને મટાડવા માટે મહા ધન્વંતરી સમાન નવકાર મહામંત્રના પ્રભાવથી કેન્સર જેવા અસાઘ્ય ગણાતા બાહ્ય રોગો કેન્સલ થઈ જાય તેમાં કશું આશ્ચર્ય નથી. પરંતુ તે માટે જરૂરી છે સાધકના હૃદયની ભદ્રિક પરિણામિતા અને એકાગ્રતા પૂર્વકની નવકાર મહામંત્ર પ્રત્યેની સાચી શરણાગતિ.
આવી ભદ્રિક્તા એકાગ્રતા અને શરણાગતિ દ્વારા નવકાર મહામંત્રને સિધ્ધ કરી અવનવા આંતિરક અનુભવોના આનંદમાં અહોનિશ મસ્ત રહેતા સુશ્રાવકશ્રી ધીરજલાલભાઈ ખીમજી ગંગર (ઉં. વ. ૫૦) દશેક વર્ષ પહેલાં સંસારપક્ષે તેમના ગામના (કચ્છ-મેરાઉના) તેમજ સંબંધી એવા મુનિરાજ શ્રીસર્વોદયસાગરજીની પ્રેરણાથી ધર્મમાં જોડાયા. અનુક્રમે ગુરુવંદન અને ચૈત્યવંદનવિધિના સૂત્રો શીખ્યા બાદ તેના અર્થનો અભ્યાસ કરતાં કરતાં ઉવસગ્ગહરં સ્તોત્રના અર્થ વાંચતાં પરમાત્માને કરાતા નમસ્કારનો મહિમા જાણી અત્યંત અહોભાવ ઉત્પન્ન થયો. ત્યારબાદ અધ્યાત્મયોગી પ.પૂ. પંન્યાસ પ્રવ૨શ્રી ભદ્રંકરવિજ્યજી મ.સા. દ્વારા લિખિત નવકાર મહામંત્ર અંગેનું પુસ્તક તેમજ કસ્તૂર પ્રકાશન ટ્રસ્ટ દ્વારા પ્રકાશિત ‘‘જેના હૈયે શ્રી નવકાર, તેને કરશે શું સંસાર ?'' પુસ્તકમાં વર્ણવાયેલ નવકાર મહામંત્ર ના પ્રભાવને દર્શાવતા અનેક અર્વાચીન દૃષ્ટાંતો વાંચીને નવકાર મહામંત્ર પ્રત્યે અનન્ય આકર્ષણ ઉત્પન્ન થયું. ગુરુમુખેથી નવકાર મહામંત્રને ગ્રહણ કરીને વિધિપૂર્વક તેનો જાપ શરૂ કર્યો. હૃદયની સાહિજક ભદ્રિક્તા-સરલતા અને શ્રધ્ધાના કારણે જાપમાં એકાગ્રતા પણ સારી થતી. પરિણામે થોડા સમયમાં જ અવનવા આંતરિક અનુભવોની શરૂઆત થઈ.
જાપના પ્રભાવે ધીરજભાઈને કોઈવાર ગોદોહિકા આસને તો કોઈ વાર કાઉસ્સગ્ગ મુદ્રામાં એમ જુદા જુદા સ્વરૂપે સાત વાર મહાવીર સ્વામી ભગવંતના સાક્ષાત સ્વરૂપે (મૂર્તિ રૂપે નહિ) દર્શન થયા. બે વાર ગૌતમ સ્વામી ગણધર ભગવંતના પણ સાક્ષાત્ સ્વરૂપે દર્શન થયા. મનમાં જે પણ ઈચ્છા કે સંક્લ્પ થાય તે અનાયાસે તત્કાલ પરિપૂર્ણ થવાના અનુભવો થવા લાગ્યા. મનમાં કંઈપણ પ્રશ્ન કે મૂંઝવણ થાય તો દેરાસરમાં જઈ નવકાર મહામંત્રનું સ્મરણ કરી, પ્રભુજીને બાળકની જેમ નિખાલસ હૃદયથી પ્રશ્ન પૂછે તો શ્રી ચિંતામણિ પાર્શ્વનાથ ભગવાન જાણે સાક્ષાત્ વાતો કરતા હોય તે
બહુરત્ના વસુંધરા-ભાગ બીજો = ૯૦
