________________
છે. ચાલો કંઈક અનેરી ઓળખાણ આવા અપૂર્વ અણગારોની કરી લઈએ... મને તો લાગે છે કે શ્રમણ-શ્રમણીઓનો આ સમુદાય જ નિકટના ભવિષ્યમાં નિકટના ભૂતકાળ જેવા HISTORICAL RECORDS ને સ્થાપિત -કરશે. FROM TOP TO TOE (નખથી શિખ સુધી) તેઓ એવા ધર્મમય થયેલા છે કે તેમના ોમરોમમાંથી બસ સદાચાર જ શ્વાસોચ્છ્વાસ લઈ રહ્યો છે. જુઓ, જુઓ ! ક્યાંક ગૌતમ સ્વામી જેવી વિનયયુક્ત શાન સાધનાઓ ચાલી રહી છે, ક્યાંક મુનિ નંદિણ જેવા ક્રિયાપ્રેમીની સૂક્ષ્મ આરાધનાઓ, કોઈક સાધક હરિભદ્રસૂરિજી જેવો મેધાવી છે, તો કોઈક પાસે માષતુષ મુનિ જેવું ગુરુવચન શ્રદ્ધાનું દિલડું છે. કેટલાયને ધન્નાજી જેવી જીવંત જીભ મળી છે, તો કઈક સાધકો વયથી સ્થવિર છતાંય આરોગ્યથી અખંડ દાંતવાળા છે. ગીતાર્થ વૃષ્ટિથી દુનિયાને દેખનાર શાનનયનોવાળા ભદ્રબાહુસ્વામિ જેવા કહો કે ચંદનબાળા જેવા શ્રમણી સંઘના નાયિકાનાક જેવા પણ આજ સાધુ સંસ્થામાં બેઠા છે, જંબૂકુમાર જેવા તેજસ્વી ભાગ્ય લલાટવાળા, પ્રસન્નચંદ્રજી જેવા કુંડ મસ્તકને મસ્તીવાળા, નંદિષેણ જેવી વેધક વાણી વહાવનાર મુખવાળા, હેમચંદ્રાચાર્યજી જેવા કલાત્મક કશવાળા, કે સિંહમુનિ જેવી વૈયાવચ્ચ-સેવા માટે દોડનાર પગવાળા, અભિગ્રહ સાથે તપ કરી પેટનો ખાડો પૂરનાર ભીમ મુનિ જેવા, હીરસૂરીશ્વરજીની જેમ અહિંસાને અસ્થિમજ્જા કરી નાખનાર, સ્થૂલિભદ્ર જેવા અપૂર્વ વીર્યવાન, પ્રભુવીર જેવી શુભ વેશ્યાથી ધવલ રક્તવાળા, અવિ જીવ કરૂં શાસન રસીની ભાવનાને રોમરોમમાં પ્રગટાવી દેનાર પ્રગટ કે ગુપ્ત સાધકોથી આ સાધુ સંસ્થા આજેય ધબકતી જાગતી છે.
સારમાં એટલું જ કે કોઈકે જ્ઞાનયજ્ઞની ધૂણી ધખાવી છે, કોઈકે સેવા-વૈયાવચ્ચનો અપ્રતિપાતી ગુણ ગમાવ્યો છે. કોઈક ક્રોડો નવકારના જાપ જપી જનાર છે તો કોઈક આયંબિલના તપમાં જ જીભનું સમર્પણ કરનારા પુણ્યાત્મા છે. આ સંસ્થામાં જ કોઈક વક્તા છે, કોઈક ચિંતક તો કોઈક પ્રભાવક અને કોઈક લેખક છે. કોઈક શાસ્ત્રોના રચનાર છે તો કોઈક વાંચનાર. કોઈક ભક્ત યોગી એવા છે કે તેમના ભગવાન પણ તેમને ભક્તિથી વિભક્ત ન કરી શકે. શાન-ધ્યાન-તપ-જપ-વિનય-વૈયાવચ્ચ વગેરે વિવિધ ગુણોનો એકત્ર સંગમ પણ કોઈક ગીતાર્થમાં કે ગીતાર્થ નિશ્ચિતમાં જોવા મળે છે. દેશ-વિદેશ કહેવાતા ક્ષેત્રોની વિવિધતા અને અનેકતા વચ્ચે પણ એકતાથી રહેતા, પરમાત્માના શાસનની છત્રછાયામાં સંસાર તાપથી બચી નિઃસ્વાર્થ ભાવે ફક્ત કર્મ નિર્જરાના ઉદ્દેશથી એક-બીજા પ્રતિ ઔદાર્ય વ્યવહાર દાખવી બંધુ અને ભગિનીથી ય વધુ સ્નેહાત્મક સંબંધો સ્થાપી શકનાર સંસ્થા તે જ પરમાત્માનો શ્રીસંઘ.
ક્યાં. કુંભકર્ણી નિદ્રામાં આળોટતા સંસારીઓ ને કાં બ્રહ્મમુહૂર્તમાં જ જાગી આત્મ સાધનાને સાધતા શ્રમણ-શ્રમણીઓ ! ક્યાં સીગરેટ-બીડી-પાનમસાલા-તમાકુ કે દારૂમાં ડૂબી જનાર દુનિયાના દૌલતધારીઓ ને ક્યાં નાના-મોટા તપ વડે વ્યસન અને ફેશનથી પર સંયમધારીઓ ! ક્યાં ભૂતની જેમ દોડતા-ભાગતા સાધનો-વાહનોની સફરમાં સુખ માની અકસ્માતોમાં મરતા દુર્ભાગીઓ ને ક્યાં જીવનભર ઉઘાડા પગે ગામ-પરગામનો પ્રવાસ કરી ઘરઘરને ઘટ-ઘટમાં ધર્મને જીવતો રાખતા સૌભાગી સાધુ-સાધ્વીઓ .... ક્યાં TOTALLY ARTIFICIAL LIFE STYLE માં ગૌરવ માણતા મોહાધીન માનવો, અને ક્યાં COMPLETELY NATURAL LIVE SMILE માં ગૌરવ જાણતા મોવિજેતાઓ ! સૂર્ય અને ચંદ્રની જેમ કુદરતી અને અસ્ખલિત ગતિએ ગમન કરતા ક્યાં અણગારીઓ ને ક્યાં ઘાંચીના બળદની જેમ અને કુંભારના ચાકડાની જેમ પારકી બુદ્ધિએ ભટકતા-ભમતા ભોગી
20
•
