________________
એકઠો કરી રહ્યો છે. મારો પણ એવો શુભ અવસર ક્યારે આવે કે હું પણ આ રીતે મુનિઓને દાન આપનાર થાઉં, અથવા મુનિધર્મની આરાધના કરું !'
આમ ત્રણે શુભ ધ્યાનમાં છે, ત્યાં અચાનક પવનનો ઝપાટો આવ્યો, વિશાળ ઝાડની ડાળીઓ કડક અવાજ કરીને તૂટી, ત્રણે ઉપર પડી. સંયમના આરાધક મુનિ શુભ ધ્યાનમાં કાળધર્મ પામી પાંચમા બ્રહ્મદેવલોકમાં, મુનિને દાન આપનાર સાર્થવાહ પણ પાંચમા દેવલોકમાં અને બંનેની ભાવપૂર્ણ અનુમોદના કરનાર હરણનો જીવ પાંચમા બ્રહ્મદેવલોકમાં ઉત્પન્ન થયો.
માટે જ કહ્યું છે કે કરણ કરાવણને અનુમોદન, સરખાં ફળ નિપજાવે. સુકૃતાનુમોદના કેવી રીતે કરવી?
સુકૃતાનુમોદનાના અપરંપાર લાભ વિચાર્યા, તો હવે આ સુકૃતાનુમોદના કેવી રીતે કરવી તે વિચારવાનું છે. એટલે ધ્યાનમાં રાખવાનું છે કે શક્તિ મુજબ કરનાર અને કરાવનારનું અનુમોદન સફળ બને છે. શક્તિ હોવાં છતાં કંઈ જ કરવું નહિ. માત્ર અનુમોદનાનો લાભ લેવો તેવા ભાવવાળાની અનુમોદના વાસ્તવિક બનતી નથી, પણ લગભગ નિષ્ફળ જાય છે, માટે અનુમોદનાને સફળ કરવા માટે શક્ય અનુકાનોને આચરવા તૈયાર થવું જોઈએ.
અનુમોદના પદમાં બે શબ્દ છે મનુ અને મો. “મોદન” શબ્દ સંસ્કૃતમાં જેનો અર્થ “આનંદ પામવો છે' છે, તે મુદ્દે ધાતુ પરથી બન્યો છે. અનુ = પાછળ અથવા અનુ = અનુસરતો-સુકૃતની પાછળનો અથવા સુકૃતને અનુસરતો આનંદ તેનું નામ સુકૃતાનુમોદન.
અનુમોદના ભાવપૂર્ણ હૃદયે કરવાની છે, એટલે કે જે સુકૃતની આપણે અનુમોદના કરી રહ્યા હોઈએ, તેમાં ચિત્ત ભાવિત થવું જોઈએ.
ધન્ના અણગારના તપની અનુમોદના કરીએ ત્યારે નજર સામે જાણે તપસ્વી, તપના તેજથી ચમકતી પણ હાડ-માંસ-લોહી સુકાવાથી તદ્દન કૃશ એવી મુનિની કાયા આપણી સામે આવે, અને આપણે તેમને ધન્યવાદ આપવા પૂર્વક નમી રહ્યા હોઈએ, તેવી જ રીતે સર્વ અનુમોદના સ્થાનોમાં જાણવું. - અનુમોદના કરતાં આત્મા ગળગળો થઈ જવો જોઈએ, મહાન સુકૃત્યો નજર સામે જોઈને હૈયામાં હર્ષને આનંદ ઊભો થાય. જે સુકૃતોની અનુમોદના કરીએ તે સુકૃતો ઉપર હૈયામાં ખૂબ જ બહુમાન ઊભું થવું જોઈએ, તેથી સુકૃતને કરનાર આપણને E
બહુરના વસુંધરા-ભાગચોથો ૧૩૯ NONE;
