________________
ત્યાં પણ ધર્મની શુભ ભાવે અતિશ્રેષ્ઠ આરાધના કરી, કાળ કરી તે જ ભવમાં મુક્તિએ પહોંચ્યા. એ મહાપુરુષોનાં વૈયાવચ્ચ, સ્વાધ્યાય, સંયમઆદિ સુકૃતોને ભાવથી અનુમોદું છું....
ઉપસંહાર શ્રી જિનશાસન રત્નોની ખાણ છે, તેમાં ઉત્પન્ન થયેલ કંઈક મહાપુરુષોનાં જબરજસ્ત પરાક્રમો છે. હે શાસનના પરાક્રમી પુરુષો ! તમારાં રત્નત્રયીનાં પરાક્રમોને અમારી ભાવભરી વંદના.
હે નાથ ! કેટલાનાં પરાક્રમની ગૌરવગાથા ગાઈ એ. સમય પરિમિત છે, શક્તિ ક્ષીણવત્ છે. ટૂંકમાં ભૂતકાળમાં થયેલા જે કોઈ જીવોએ જે કંઈ શ્રી જિનેશ્વરદેવની પવિત્ર આજ્ઞાને અનુસરીને કર્યું છે, વર્તમાનકાળમાં જે જીવો શ્રી જિનવચનાનુસારી શુભપ્રવૃત્તિ કરી રહ્યા છે, અને ભવિષ્યમાં પણ જે કોઈ જીવો શ્રી જિનેન્દ્ર પ્રભુના વચનને અનુકૂળ અપ્રતિકૂળ, શુભકરણી કરશે, તે ત્રણે કાળની શ્રી જિનાજ્ઞાઅનુસારી સર્વ જીવોની દાન, શીલ, તપ અને ભાવની તથા સંવર-નિર્જરાની સાધક પ્રવૃત્તિઓને, શુભ અનુષ્ઠાનોને, સુકૃતોને મારા જીવનમાં પણ ઉત્તમોત્તમ સુકૃતોનો વિસ્તાર વધે તેવા મનોરથપૂર્વક ત્રિવિધ ત્રિવિધ શ્રી અરિહંત પ્રભુ શ્રી સિદ્ધ પરમાત્મા ગુરુ ભગવંતો, અવધિજ્ઞાની ઉપયુક્ત દેવતાઓ, પૂજનીય શ્રી ચતુર્વિધ સંઘ તથા મારા આત્માની સાક્ષીએ અશઠ હૃદયથી, નિઃશલ્યપણે, બાહ્ય આશંસાથી રહિતપણે, હૃદયના સાચા આનંદના ભાવને પ્રગટ કરવાપૂર્વક વારંવાર ભૂરિ ભૂરિઅનુમોદના કરું છું...
મારી આ અનુમોદના ભાવપૂર્વકની થશે, તથા મારા જીવનમાં સુકૃતની સંપત્તિને પ્રાપ્ત કરાવનાર હોજ, અને તે દ્વારા કર્મમલનો નાશ થઈ, ભવ્યત્વનો પરિપાક થઈ મોક્ષસુખને આપનાર થજો, એ જ શુભાભિલાષા.
સુકૃતાનુમોદનાની આરાધનામાં જે કાંઈ પ્રભુવચનથી વિરૂદ્ધ થયું હોય તે બદલ મિચ્છા મિ દુક્કડમ્.
બહુરના વસુંધરા-ભાગ ચોથો ૫૭૪ પNTSજ્ઞ
