________________
૯ ચોમાસી
૧૨ માસક્ષમણ ભદ્રાદિત્રણપ્રતિમાઓ ૨ અઢી માસી
૭૨ પાસક્ષમણ ૩૪૯ પારણા વગેરે કુલ ૩૪૯ પારણા સિવાય પ્રભુજીને બાકીના દિવસો નિર્જળ ઉપવાસ થયા, તે ઉગ્ર અને ઘોર તપની ભાવપૂર્વક ત્રિવિધ ત્રિવિધ અનુમોદના કરું છું. - ચમર તીર્થપતિ શ્રી મહાવીર પ્રભુએ ૧૨ા વર્ષના છદ્મસ્થ દીક્ષા પર્યાયમાં સંગમ શૂલપાણી આદિ દેવોના, ગોવાળિયા વગેરે મનુષ્યોના તથા અનાર્ય દેશમાં પ્લેચ્છોના, તિર્યંચ આદિના જે ભયંકર ઉપસર્ગો, અને સુધા-તૃષાદિ પરિષહોને સહન કર્યા, તેને ભાવથી અનુમોદું છું. સર્વ તીર્થકર ભગવંતોનાં સર્વ સુકૃતોને ભાવથી અનુમોદું છું.
સિધ્ધ ભગવંતોની અનુમોદના સિધ્ધપણાને અનુમોદું છું. અનંતા જીવો સિધ્ધપણાને પામ્યા છે, તેઓને પ્રગટ થયેલ આત્મસ્વરૂપને હું અનુમોદું છું.
તીર્થંકર થઈને સિધ્ધ થયા, તીર્થંકર થયા વિના સામાન્ય કેવળી થઈને જે સિધ્ધ થયા, તીર્થને વિષે જે સિધ્ધ થયા તે શ્રી ગૌતમસ્વામીજી આદિ તીર્થસિધ્ધો તથા તીર્થ વિના જે સિધ્ધ થયા તે મરુદેવા માતા આદિ અતીર્થસિધ્ધો, પુરુષપણામાં, સ્ત્રીપણામાં કે નપુંસકપણામાં કેવળજ્ઞાન પામીને જેઓ સિધ્ધ થયા તે સર્વે સિધ્ધ પરમાત્માઓને ભાવથી અનુમોદું છું.
સ્વલિંગ એટલે કે સાધુના વેષમાં કેવલજ્ઞાન પામીને મોક્ષે ગયા તે જંબૂસ્વામી આદિ તથા ગૃહિલિંગ એટલે કે ગૃહસ્થના વેષમાં કેવળજ્ઞાન પામી મોક્ષે ગયા, તે ભરત ચકવર્તી વગેરે તથા પરલિંગમાં એટલે કે અન્ય તાપસાદિ વેષમાં કેવળજ્ઞાન પામીને મોક્ષે ગયા તે વલ્કલચીરી વગેરે, તેમના સિધ્ધપણાની ભાવથી અનુમોદના કરું છું.
સ્વયંબુધ્ધ એટલે કે જેઓ પોતાની જાતે જ (ગુરૂ વિના) નિમિત્ત વગર બોધ પામીને મોક્ષે ગયા, તથા પ્રત્યેક બુધ્ધ એટલે કે પોતાની જાતે પણ નિમિત્ત દ્વારા બોધ પામીને મોક્ષે ગયા, તથા બુધ્ધબોધિત એટલે કે આચાર્યો આદિના ઉપદેશથી બોધ પામીને મોક્ષે ગયા, વળી જેઓ એકલા જ મોક્ષે ગયા, તેમજ જેઓ અનેકની સાથે મોક્ષે ગયા તે એક સિધ્ધ તથા અનેક સિધ્ધો-આ સર્વે પ્રકારના સિધ્ધોની ભાવથી અનુમોદના કરું છું. રાત્રિના વિષે જેઓ સિધ્ધ થયા, સંધ્યા સમયે, મધ્યાહ્ન સમયે, કે સવારે સિધ્ધ બહુરના વસુંધરા-ભાગચોથો ૧૫૨
N
