________________
કેટલાક મહાપુરુષોના જીવનની તથા ઉગ્ર આરાધનાની અનુમોદના
શ્રી અરિહંત પરમાત્માથી માંડીને ભદ્રક મિથ્યાદષ્ટિ સુધીના જીવોના સુકૃતની અનુમોદના કરી.
આપણો જૈન ઇતિહાસ અનેક મહાપુરુષોનાં ગૌરવવંતાં આરાધનાનાં પરાક્રમોથી ઉજ્જવળ છે. બધાનાં જીવનોને યાદ કરીને તેઓનાં સુકૃતોની વિસ્તૃત અનુમોદના તો આપણાથી શક્ય જ નથી. માત્ર અહીં કેટલાક મહાપુરુષોને યાદ કરી તેમની ભાવથી અનુમોદના કરી લઈએ જેથી આપણા જીવનમાં કાંઈક નવો આરાધનાનો ઉત્સાહ ઊભો થાય.
(૧) કંચનપુરનગરમાં જિનદાસ નામનો શ્રેષ્ઠી છે, પરિવ્રાજકના આગ્રહથી તેના ભક્ત રાજાએ શ્રેષ્ઠીની પીઠ ઉપર ઉષ્ણ ખીર રાખી પરિવ્રાજકને પારણું કરાવ્યું, થાળી ઉપાડતાં પીઠ ઉપરની ચામડી લોચાની માફક ઉખડી ગઈ. તેનો ઉપચાર ન કરતાં વૈરાગ્યવાસિત બની ચારિત્રલીધું. પૂર્વ દિશામાં આહાર તથા શરીરને વોસરાવીને કાઉસ્સગ્ગ ધ્યાને એક પખવાડિયા માટે ઊભા રહ્યા. પક્ષીઓ ગીધ, કાગડા, ઘુવડ વગેરે ચાંચો મારીને માંસ ખાય છે, ચાંદાં પહોળાં કરે છે, મચ્છર, કીડી, ડાંસ વગેરે પણ ચટકા ભરે છે. ત્યારે કર્મના વિપાકને યાદ કરીને દુ:ખને ગણતા નથી. રાત્રે શિયાળીયાદિના ઉપસર્ગોને પણ સમભાવે સહન કરે છે, કર્મના વિપાકને યાદ કરતાં નારકીની ઘોર પીડાઓથી આ વધુ કષ્ટતર નથી-એમ શુભ ધ્યાનને કરતાં તેમણે એક પખવાડિયું પસાર કર્યું. બાકીની ત્રણે'દિશામાં આ જ રીતે બાકીનાં ત્રણ પખવાડિયા પસાર કર્યાં. બે માસના અંતે ‘નમો જિણાણં’ નો ઉચ્ચાર કરતાં જમીન ઉપર પડી જાય છે, અને શુભ આરાધના કરી કાળધર્મ પામી દેવલોકમાં સૌધર્મેન્દ્ર થઈ પછી સનત્કુમાર ચક્રવર્તી થાય છે. તે જિનદાસની શ્રાવકની તથા સાધુપણાની ઉગ્ર સહનશીલતાદિ આરાધનાની, સમભાવની અને શુભધ્યાનની ભાવપૂર્વક અનુમોદના કરું છું...
(૨) ચોથા ચક્રવર્તી સનતકુમારે ચારિત્ર લઈ ૭૦૦ વર્ષ સુધી ૧૬ ઉગ્ર અને ભયંકર રોગોને સહન કર્યા, છતી લબ્ધિએ પણ ઉપચાર ન કર્યો, કાળધર્મ પામીને દેવલોકમાં ગયા. સનતકુમાર મુનિની તે આરાધનાની ભાવથી અનુમોદના કરું છું... (૩)ઉપશમ, વિવેક, સંવર આ ત્રણ પદની મુનિની પાસેથી પ્રાપ્તિ થતાં બહુરત્ના વસુંધરા–ભાગ ચોથો ૧૬૭
સ
