Bahuratna Vasundhara

Author(s): Mahodaysagar
Publisher: Kastur Prakashan Trust

Page 639

ભોગની ઋદ્ધિને ભોગવનારા, પ્રભુ મહાવીરનો ઉપદેશ સાંભળી ૩૨ સ્રીઓ તથા ૩૨ કરોડ સોનૈયાનો ત્યાગ કરીને અણગાર થયા. ચારિત્ર સાથે જ પ્રભુજીની પાસે છઠ્ઠના પારણે છઠ્ઠ તપ કરવાનો તથા પારણે માખી પણ ન ઈચ્છે તેવા નીરસ અન્નથી આયંબિલ કરવાનો અભિગ્રહ કર્યો. નવ મહિનાના અંતે હાડપિંજરમય કાયાવાળા ધન્ના અણગાર અનશન કરી અનુત્તર દેવલોકમાં ગયા, ત્યાંથી મહાવિદેહમાં જઈ મોક્ષે જશે.
પ્રભુજીના ૧૪૦૦૦ શિષ્યોમાં સૌથી ચડતા પરિણામે કોણ ? શ્રેણિકના પ્રશ્નના જવાબમાં જેમને પ્રભુજીએ વખાણ્યા તે ધન્ના અણગારની સંયમ તપની ઉગ્ર આરાધનાને ભાવથી અનુમોદું છું...
(૧૫) શકટાલ મંત્રીના પુત્ર શ્રીસ્થૂલભદ્ર; બાર વર્ષ કોશા વેશ્યાને ત્યાં રહી ભોગમાં લીન બન્યા. શકટાલનું મૃત્યુ થતાં રાજાના મંત્રીમુદ્રા માટેના નિયંત્રણને ફગાવી ચારિત્ર લીધું. ચૌદ પૂર્વધર થયા. કોશાની ચિત્રામણશાળામાં ચાતુર્માસ કર્યું. ષડ્રસનાં ભોજન કરવા છતાં પૂર્વ પરિચિત કોશાના અનેક પ્રકારના હાવભાવ, કટાક્ષો, નૃત્યો વગેરે આકર્ષણ કરવાના પ્રયત્નોને નિષ્ફળ બનાવી, તેને પ્રતિબોધ કરી સાચી શ્રાવિકા બનાવી, ગુરુ પાસે આવતાં ગુરુએ ‘“દુષ્કર દુષ્કર કારક’' તરીકે સન્માન્યા તે ચોરાશી ચોવિશી સુધી અમર નામને ધારણ કરનારા શ્રીસ્થૂલભદ્ર સ્વામીજીના દુર્ધર બ્રહ્મચર્યવ્રતની ત્રિવિધે ત્રિવિધ અનુમોદના કરું છું...
(૧૬) ગુપ્તવંશનો પાયો નાખનાર ચંદ્રગુપ્તનો મંત્રી ચાણક્ય, અંતિમ કાળે છાણના ઘરમાં અનશન સ્વીકારીને રહ્યો છે, ઈર્ષ્યાથી નવા મંત્રી સુબુદ્ધિએ અગ્નિનો અંગારો નાખી બાળી નાખ્યો છતાં ધ્યાનમાંથી ચલિત ન થતાં આરાધના કરી દેવલોકમાં ગયા તે ચાણક્ય મંત્રીના ધૈર્યને ભાવપૂર્વક અનુમોદું છું.
(૧૭) કચ્છ દેશના મહાશ્રાવક શ્રીવિજય તથા શ્રાવિકા શ્રી વિજયા, જેઓને લગ્ન પૂર્વે ભિન્નભિન્ન પક્ષના ચતુર્થ વ્રતનો નિયમ હોઈ લગ્ન પછી સાથે રહીને ઉભય પક્ષમાં યાવજ્જીવન દુર્ધર બ્રહ્મચર્યવ્રતને પાળ્યું. કેવળ જ્ઞાની ભગવંતે જિનદાસ શ્રાવકની સમક્ષ જેની ભક્તિને ૮૪૦૦૦ મુનિની ભક્તિની સમાન ગણાવી. તે દંપતીના વિશુદ્ધ કોટિના બ્રહ્મચર્યવ્રતની સાધનાને ભાવથી અનુમોદું છું.
(૧૮) મહેલના ગોખમાંથી મુનિદર્શનથી પ્રતિબોધ પામેલ શ્રેષ્ઠિપુત્ર ગુણસાગર માત-પિતાના આગ્રહથી લગ્ન કરવા નીકળ્યા. લગ્નની ચોરીમાં આઠ પત્નીઓ સાથે કર-મેલાપ કરતી વખતે સંયમના મનોરથો કરતાં ઉચ્ચ ભાવનામાં ક્ષપકશ્રેણિ માંડીને બહુરત્ના વસુંધરા–ભાગ ચોથો – ૧૭૧
E