________________
સજ્જન સહર્ષ કહે છે, “મંદિર આપે કર્યું છે, કાં તો આ મંદિરનું પુણ્ય ગ્રહણ કરો યા તો ધન ગ્રહણ કરો.” સિધ્ધરાજે ખુશ થઈને મંદિરનો જીણોધ્ધાર સ્વીકારી બીજાં પર ગામ પૂજા માટે આપ્યા. સજ્જનમંત્રીની આ ગિરનારના જીણોધ્ધારની શુભ કરણીને ભાવથી અનુમોદું છું.
સૌરાષ્ટ્રમાં યુધ્ધાર્થે ગયેલા ઉદયન મંત્રીએ સિધ્ધગિરિની યાત્રા કરી. મંદિર લાકડાનું જોયું, ઉદર દીવાની વાટ ખેંચતો જોયો, આરસનું મંદિર કરવાની ભાવના જાગી. અભિગ્રહ કર્યો, યુધ્ધમાં ઘા ઘણા વાગ્યા, મૃત્યુ નજીક આવતાં સાથે રહેલાઓને. અભિગ્રહની વાત કરી. વામ્ભટે પિતાની ભાવના પૂર્ણ કરી મંદિર આરસનું નવું કરાવ્યું. તૈયાર થયાના સમાચાર આપનારને ૩૨ જીભ સોનાની ભેટ આપી. થોડી વારમાં મંદિરની ભીંતમાં ફાટ પડ્યાના સમાચાર લાવનાર બીજાને ૬૪ જીભ સોનાની ભેટ આપી. આમ કેમ? પુન: કરાવી શકીશ. શિલ્પીઓને બોલાવી પુન: મંદિર કરાવ્યું, કરોડોના ધનનો ઉપયોગ જિનેશ્વર દેવની ભક્તિમાં આ રીતે કર્યો. તેઓની શુભ કરણીને ભાવથી અનુમોદું છું.
પેથડશાહે ૮૪ જિનમંદિર બાંધ્યાં. સુરગિરિ નગરમાં બ્રાહ્મણોનું જોર ઘણું. મંદિર માટે જગ્યા ન મળી. ત્યાંનો રાજા વીરમદ તથા મંત્રી હેમાદે હતો. હેમાદેના નામે પેથડશાહે પોતાના ખર્ચે દાનશાળા કરાવી. ચારે બાજુ ખ્યાતિ ફેલાઈ. હેમાદેને આશ્ચર્ય થયું, તપાસ કરાવતાં પેથડશાહની પ્રવૃત્તિ જાણી મિત્રતા થઈ. જમીન માગી. રાજાએ સૌનેયા આપીને જમીન લેવા કહેતાં તેમ કર્યું. પાયો ખોદતાં મીઠું પાણી નીકળ્યું, બ્રાહ્મણોએ રાજાને ફરિયાદ કરતાં રાતોરાત ૧૨ હજાર ગુણ મીઠું નંખાવ્યું. રાજાની તપાસમાં પાણી ખારું નીકળ્યું, મંદિર બંધાવ્યું, વધામણી લાવનારને ૩ લાખ રૂપિયા ઈનામ આપ્યું. પેથડશાહની આ શુભ કરણીને અનુમોદું છું.
કચ્છ દેશના જગડુશાહે દુકાળમાં લાખો અને કરોડોનો ખર્ચ કરી ગરીબોને મફત અન્ન આપ્યું. જગડુશાહની અનુકંપાની પ્રવૃત્તિને ભાવથી અનુમોદું છું.'
સૌરાષ્ટ્રનો મહુવા નગરીનો જગડશ્રાવક, પિતાએ ચાર રત્નો મરતી વખતે આપેલાં. ૧ કરોડની કિંમતનાં દરેક હતાં. બે રત્નોને તીર્થમાં વાપરવા તથા બે તેને પોતાને ઉપયોગ કરવા કહી પિતા મૃત્યુ પામ્યા. જાવડે કુમારપાળના સંઘમાં ૧ કરોડની ઉછામણી બોલીને સિધ્ધગિરિ તીર્થ તથા પ્રભાસપાટણમાં માળ પહેરી બે રત્નો સમર્પણ કર્યો, ત્યાર પછી બાકીનાં બે રત્નો પણ તીર્થના ઉપયોગ માટે સમર્પણ કર્યા. શ્રી જગડની આ શુભપ્રવૃત્તિને ભાવથી અનુમોદું છું. # ષ બહુરત્ના વસુંધરા-ભાગચોથો , ૧૦૧
