________________
વગેરેએ ભગવાન શ્રી નેમિનાથ સ્વામિ તથા ભગવાન શ્રી મહાવીર સ્વામિજીની પાસે ચારિત્ર લીધું, તપ તપી કોઈ કેવળજ્ઞાન પામી મોક્ષે ગયાં, કોઈક દેવલોકમાં ગયાં ને સર્વેને ભાવથી અનુમોદું છું.
દિવ્યનવ્વાણુ પેટીઓના વૈભવનો ત્યાગ કરી ચારિત્ર લેનાર શ્રી શાલિભદ્રમુનિ, વિશાળ વૈભવનો તથા આઠ કન્યાઓને છોડી સંયમને સ્વીકારનાર ધન્નાજી તથા જીવનભર ચારિત્રની સાથે જ છઠ તપ આયંબિલના પારણાથી કરવાનો ઉગ્ર અભિગ્રહ કરનાર કાકંદીના ધન્ના આગગાર, યંત્રમાં પીલાતાં શુક્લધ્યાન આરોહણ કરી ક્ષપકશ્રેણિ માંડી કેવળજ્ઞાન પામીને નિર્વાણપદને પામનારા ખંધકસૂરિના ૫૦૦ શિષ્યો, રાજસેવકોએ આખી ચામડી ઉતારવા છતાં સમભાવમાં ઝીલી કેવળજ્ઞાન મેળવી અંતગડ કેવળી થનારા શ્રી ખંધકમુનિ, માથા ઉપર સળગતા અંગારાની વેદનાને સમભાવથી સહન કરી શમશાનભૂમિમાં કેવળજ્ઞાન પામીને નિર્વાણ પામનારા શ્રી ગજસુકુમાલ મુનિ, માથા ઉપર વાધર વીંટી, તડકામાં ઊભા રાખ્યા છતાં કૌચ પક્ષીની દયા ખાતર મૌનને ધારણ કરવા પૂર્વક ખોપરી તૂટવાની વેદના ભોગવતા સર્વકર્મને ખપાવી નિર્વાણપદને પામનારા શ્રી મેતાજ મુનિ વગેરે મહાન સંયમના પરાક્રમને ફોરવનારા, હે અણગાર ભગવંતો ! આપનાં અજબ ગજબના આ મહાપરાક્રમોથી શ્રી જિનશાસન ગૌરવવંતું છે. આપ સૌના આ મહાન ચારિત્ર પુરુષાર્થને ત્રિવિધ ત્રિવિધ શ્રી અરિહંત પરમાત્માદિની સાક્ષીએ શ્રી સંઘ સહિત ભાવથી અનુમોદું છું.
શાસનરત્ન અણગારોના દુર્ધર મહાવ્રત પાલન, ઘોર તપ, સ્વાધ્યાય, સંયમ, જીવદયા, કષાયનિગ્રહ, વિષયવિરાગ સમિતિ-ગુપ્તિમાં ઉપયોગ, વગેરે શુભકરણીને ભાવથી અનુમોદું છું.
કંઈક મુનિ-રત્નોએ કરોડોની સંપત્તિને છોડી છે, કંઈકે ભર-યુવાવસ્થામાં રમણીઓનો ત્યાગ કર્યો છે. કંઈકે વ્હાલસોયાં માતાપિતા, બંધુ, આદિ વિશાળ કુટુંબના
સ્નેહને અવગણ્યા છે, અને તે બધા અણગારો પ્રભુએ બતાવેલ ચારિત્રમાર્ગની સાધનામાં લાગી ગયા છે, તે સર્વે અણગારોની આ શુભાતિશુભ આખા વિશ્વના સુખમાં કારણભૂત એવી ચારિત્રસાધનાને ભાવથી અનુમોદું છું.
ટૂંકમાં, શ્રી જિનેશ્વર ભગવાનના શાસનને પામીને જે આત્માઓએ ચારિત્રધર્મની આરાધના કરી છે. વર્તમાનમાં કરે છે અને ભવિષ્યકાળમાં કરશે, તે સર્વે મહાત્માઓની ચારિત્રસાધનાને, મને પણ તેવી સાધના પ્રાપ્ત થાય એ અભિલાષા પૂર્વક શ્રી અરિહંત પરમાત્મા, તથા શ્રી સિધ્ધભગવંતો, તેમજ ગુરૂવર્ય શ્રી મુનિ ભગવંતો, તથા શ્રી ચતુર્વિધ
ET
બહુરના વસુંધરા-ભાગચોથો ૧૫૮
=
